ന്യൂഡൽഹി ; പെണ്കുട്ടികളുടെ വിവാഹപ്രായം ഉയർത്തുമെന്ന പ്രഖ്യാപനത്തിനു ശേഷം നിർണ്ണായക നീക്കങ്ങളുമായി മോദി സർക്കാർ . പെൺകുട്ടികളുടെ വിവാഹ പ്രായവും ആൺകുട്ടികളുടേതിനു സമാനമായി 21 വയസ്സാക്കുമെന്നാണ് റിപ്പോർട്ട്.
കഴിഞ്ഞ ദിവസം നടന്ന സ്വാതന്ത്യ്ര ചടങ്ങിലാണ് പെണ്കുട്ടികളുടെ വിവാഹപ്രായം ഉയർത്തുമെന്ന് പ്രധാനമന്ത്രി നരേന്ദ്രമോദി പ്രഖ്യാപിച്ചത് . ഇതുസംബന്ധിച്ച പഠനത്തിന് സാമൂഹിക പ്രവര്ത്തക ജയ ജയ്റ്റ്ലി അധ്യക്ഷയായ വിദഗ്ധ സമിതിയെ നിയോഗിച്ചതായും സമിതിയുടെ റിപ്പോർട്ട് ലഭിച്ചാലുടൻ വിവാഹ പ്രായത്തിൽ തീരുമാനമെടുക്കുമെന്നും വ്യക്തമാക്കിയിട്ടുണ്ട്.
നിലവില് പെണ്കുട്ടികളുടെ വിവാഹപ്രായം 18ഉം പുരുഷന്മാരുടേത് 21 ഉം ആണ്. പുരുഷന്മാരുടെ വിവാഹപ്രായം 18 വയസ്സ് ആക്കുമെന്നതിന്റെ സൂചനകൾ ഇക്കഴിഞ്ഞ നവംബറിലുണ്ടായിരുന്നു.
മാതൃമരണ നിരക്ക് കുറയ്ക്കുക, ഗര്ഭകാലത്തെ ആരോഗ്യപ്രശ്നങ്ങള് ഒഴിവാക്കുക, വിളര്ച്ചയും പോഷകാഹാരക്കുറവും ഇല്ലാതാക്കുക എന്നിവ ലക്ഷ്യമിട്ടാണ് വിവാഹപ്രായം ഉയര്ത്താന് ആലോചിക്കുന്നത്.
സാമ്പത്തികവും വിദ്യാഭ്യാസപരവുമായ പിന്നാക്കാവസ്ഥയാണ് പെണ്കുട്ടികളുടെ ചെറുപ്രായത്തിലെ വിവാഹത്തിന് കാരണമെന്ന് ദേശീയ ബാലാവകാശ കമ്മിഷന് റിപ്പോർട്ടിലും വ്യക്തമാക്കിയിരുന്നു.
1929ലെ ശാരദ ആക്ടിൽ ഭേദഗതി വരുത്തി 1978ലാണ് പെൺകുട്ടികളുടെ വിവാഹപ്രായം 15ൽനിന്ന് 18 ആയി ഉയർത്തിയത്. ഇതിലും മാറ്റം വരണമെന്ന് ധനമന്ത്രി നിർമലാ സീതാരാമൻ ഉൾപ്പെടെ നേരത്തേ ആവശ്യപ്പെട്ടിരുന്നു.
ശൈശവ വിവാഹങ്ങൾക്ക് ഒത്താശ ചെയ്യുകയും കാർമികത്വം വഹിക്കുകയും ചെയ്യുന്നവർക്കുള്ള ശിക്ഷ കഠിനമാക്കാനും 2019 കേന്ദ്രം തീരുമാനിച്ചിട്ടുണ്ട്. 2 വർഷം തടവും ഒരു ലക്ഷം രൂപ പിഴയും എന്നത് 7 വർഷം തടവും 7 ലക്ഷം രൂപ പിഴയുമാക്കും.
Comments