പറഞ്ഞാൽ ആരും വിശ്വസിക്കാൻ സാധ്യതയില്ലാത്ത ചില സ്ഥലങ്ങൾ. കെട്ടുകഥകളെന്ന് പറഞ്ഞ് ചിലർ പുച്ഛിക്കും. അത്യന്തം ദുരൂഹത നിറഞ്ഞ ഈ പ്രദേശങ്ങളിൽ ജീവൻ പണയം വെച്ച് വേണമെങ്കിൽ പോകാം. പകൽ പോലും ആളുകൾ ചെല്ലാൻ മടിക്കുന്ന ചില സ്ഥലങ്ങൾ ഇന്ത്യയിലുണ്ട്. അത്തരം ചില സ്ഥലങ്ങളെ പരിചയപ്പെടാം.
രാജസ്ഥാനിലെ ബങ്ങാർ കോട്ട
സൂര്യാസ്തമയത്തിന് ശേഷം ആർക്കും ഇവിടേക്ക് പ്രവേശനം ഇല്ല. വിലക്ക് ലംഘിച്ച് ഇവിടെ താമസിക്കുന്നവരെ പിന്നീടാരും കണ്ടിട്ടില്ലെന്ന് റിപ്പോർട്ടുകൾ ഉണ്ട്. പതിനാറാം നൂറ്റാണ്ടിൽ മധോ സിങ് രാജാവ് പണികഴിപ്പിച്ചതാണ് ഇതെന്ന് പറയപ്പെടുന്നു.
പൂനെയിലെ ശനിവർധൻ കോട്ട
1773ൽ ഒരു രാജകുമാരൻ ഇവിടെ വെച്ച് കൊല്ലപ്പെട്ടിരുന്നു എന്നും, രാത്രികളിൽ ഒരു കുട്ടിയുടെ ശബ്ദം അവിടെ നിന്നും കേൾക്കാമെന്നും പ്രദേശവാസികൾ പറയുന്നു. അതിനാൽ രാത്രികാലങ്ങളിൽ ആരും തന്നെ ഈ കോട്ടയിൽ താമസിക്കാറില്ല.
ഉത്തർപ്രദേശിലെ മീററ്റിലുള്ള ജിപി ബ്ലോക്ക്
ഈ ഇരുനില കെട്ടിടത്തിന്റെ മുകളിലേക്ക് നോക്കാൻ തന്നെ ആളുകൾക്ക് ഭയം ആണ്. പ്രേതങ്ങളും ദുരാത്മാക്കളും അവിടെ ഉണ്ടെന്നാണ് ചിലർ പറയുന്നത്.
ഗുജറാത്തിലെ ഡമാസ് ബീച്ച്
ഹൈന്ദവാചാരപ്രകാരമുള്ള ശവസംസ്കാരം ഇവിടെ നടക്കാറുണ്ടായിരുന്നു. നിരവധി ആളുകൾ ഇവിടെ നിന്നും അപ്രത്യക്ഷമായിട്ടുണ്ടെന്നാണ് പ്രദേശവാസികൾ പറയുന്നത്.
ഉത്തരാഖണ്ഡിലെ രൂപ് കുണ്ഡ്
ശൈത്യകാലത്ത് തണുത്തുറഞ്ഞ് മഞ്ഞുകട്ടികൾ രൂപം കൊള്ളുന്ന ഈ പ്രദേശത്ത് നിന്ന് നിരവധി അസ്ഥികൂടങ്ങൾ ലഭിച്ചിട്ടുണ്ട്.
കുലദാര വില്ലേജ്
രാജസ്ഥാനിലെ ജയ്സാൽമീറിന് സമീപമുള്ള ഈ ഗ്രാമത്തിൽ നാളുകൾക്ക് മുന്നേ 1500ൽ അധികം ആളുകൾ താമസിച്ചിരുന്നു. എന്നാൽ ഇന്നവിടെ സ്ഥിരതാമസക്കാർ ആരും തന്നെയില്ല.
ഡൽഹിയിലെ മൽച്ചാ മഹൽ
ചരിത്രപ്രാധാന്യമുള്ള ഈ പ്രദേശം സർക്കാർ പോലും മറന്നിരിക്കുന്നത് പോലെയാണ്. കൊട്ടാരത്തിലെ താമസക്കാർ ആത്മഹത്യ ചെയ്തു എന്നതാണ് ഈ കൊട്ടാരവുമായി ബന്ധപ്പെട്ട് കിടക്കുന്ന കഥ.
Comments