ധാക്ക: ഇന്ത്യ വികസിപ്പിച്ചിരിക്കുന്ന കൊറോണ വാക്സിന് ജനങ്ങളില് പരീക്ഷിക്കാന് തയ്യാറാണെന്ന് ബംഗ്ലാദേശ്. ഇന്ത്യന് വിദേശകാര്യ സെക്രട്ടറി ഹര്ഷവര്ധന് ഷ്രിംഗ്ലയുടെ സന്ദര്ശനത്തിനിടെയാണ് ബംഗ്ലാദേശ് സന്നദ്ധത അറിയിച്ചത്. ഇന്ത്യയിലെ സെറം ഇന്സ്റ്റിറ്റ്യൂട്ട് നിലവില് വാക്സിനുകളുടെ മൂന്നാം ഘട്ട പരീക്ഷണം നടക്കുകയാണ. ഇതിലൊരണ്ണത്തിന് ഓക്സ്ഫോര്ഡ് സര്വ്വകലാശാലയുടെ ലൈസന്സും ലഭിച്ചിട്ടുണ്ട്. ഇന്ത്യ വികസിപ്പിച്ച മൂന്ന് വാക്സിനുകളെക്കുറിച്ചറിഞ്ഞു. വാക്സിന് എല്ലാവര്ക്കും നല്കുമെന്ന ഇന്ത്യയുടെ വിശാലമായ താല്പ്പര്യത്തെ അഭിനന്ദിക്കുന്നതായും ബംഗ്ലാദേശ് ആരോഗ്യമന്ത്രാലയം അറിയിച്ചു.
ചൈനയുടെ വാക്സിനെ സംബന്ധിച്ചുള്ള തീരുമാനം ഇതുവരെ അറിയിക്കാതെയാണ് ബംഗ്ലാദേശ് ഇന്ത്യന് വൈദ്യശാസ്ത്രവിഭാഗത്തിന് പച്ചക്കൊടികാണിച്ചത്. മൂന്ന് ദിവസത്തെ ചര്ച്ചകള്ക്കായാണ് ഷ്രിംഗ്ല ധാക്കയിലെത്തിയത്. പ്രധാനമന്ത്രി ഷേഖ് ഹസീനയുമായി ആദ്യ ദിവസം തന്നെ ഷ്രിംഗ്രയുടെ കൂടിക്കാഴ്ച നടന്നിരുന്നു. ബംഗ്ലാദേശിലെ കാര്ഷിക-വാണിജ്യ-കപ്പല് ഗതാഗത മേഖലയിലടക്കം ഇന്ത്യയുടെ സജീവ പങ്കാളിത്തമാണ് ബംഗ്ലാദേശ് പരിഗണിക്കുന്നത്. എണ്ണ പൈപ്പ് ലൈന്, കാര്ഷികരംഗത്തെ വളനിര്മ്മാണം, ട്രെയിന്വഴിയും കപ്പല് വഴിയുമുള്ള ചരക്കുഗതാഗതം എന്നിവ ഇന്ത്യ അതിവേഗമാണ് പൂര്ത്തിയാക്കിയത്.
