സ്ത്രീകളില് കൂടുതലായും കണ്ടുവരുന്ന ഒരു പ്രധാന പ്രശ്നമാണ് കഴുത്തിനു പിറകിലെ കറുപ്പ്. ഇതു വരാനുള്ള കാരണങ്ങള് പലതാണ് പാരമ്പര്യമായും ഹോര്മോണ് തെറാപ്പി ചെയ്യുന്നവരിലും സ്ഥിരമായി ഇന്സുലിന് ഉപയോഗിക്കുന്നവരിലും പിസിഒഡി ഉള്ളവരിലും സ്ഥിരമായി മരുന്നു കഴിക്കുന്നവരിലുമെല്ലാം കഴുത്തിന് പുറകിലെ കറുപ്പ് നിറം കാണപ്പെടുന്നു. എന്നാല് ഇത് പൂര്ണമായും മാറ്റാന് സാധിക്കുന്നതല്ല. അതുപോലെ തന്നെ അമിതമായ തടിയുളളവരിലും സ്ഥിരമായി ഇമിറ്റേഷന് ആഭരണങ്ങള് ഉപയോഗിക്കുന്നവരിലും കഴുത്തിനുചുറ്റും കറുപ്പുനിറം വരാന് കാരണമാകുന്നു.
എന്നാല് ഇത് തടയുന്നതിനായി കഴുത്തിന് ചുറ്റും കറുപ്പ് നിറം വരാന് കാരണമാകുന്ന ആഭരണങ്ങള് ഉപേക്ഷിക്കുക. വണ്ണം കൂടുന്നതനുസരിച്ച് കഴുത്തിനു ചുറ്റുമുളള ഭാഗത്തെ തൊലി കട്ടി വെക്കുന്നു. ഇത് തടയുന്നതിനായി വണ്ണം കുറയ്ക്കുക എന്നിവയാണ് ഇതിലൂടെ വരുന്ന കഴുത്തിലെ കറുപ്പ് മാറാനുള്ള പ്രതിവിധി. എന്നാല് ചിലര്ക്ക് വെയില് തട്ടുന്നതിലൂടെയും അമിത വിയര്പ്പു കാരണവും കഴുത്തിലെ പിന്ഭാഗത്തും കറുപ്പ് നിറം കണ്ടു വരാറുണണ്ട്.
നമ്മുടെ വീട്ടില് ഉള്ള സാധനങ്ങള് ഉപയോഗിച്ച് തന്നെ ഇത് എളുപ്പത്തില് മാറ്റിയെടുക്കാവുന്നതാണ്. അരിപ്പൊടി, തൈര്, ചെറുനാരങ്ങാനീര് എന്നിവ ചേര്ത്ത് നന്നായി മിക്സ് ചെയ്തു കഴുത്തിന് ചുറ്റും പുരട്ടുക പത്തു മിനിറ്റിനു ശേഷം തണുത്ത വെള്ളത്തില് കഴുകി കളയുക. ആഴ്ചയില് രണ്ടു ദിവസം ഇങ്ങനെ ചെയ്താല് കഴുത്തിന് ചുറ്റുമുള്ള കറുപ്പ് നിറം മാറുന്നു. കൂടാതെ പഴുത്ത പപ്പായയില് തൈര് ചേര്ത്ത് കഴുത്തിന് ചുറ്റും പുരട്ടുന്നതും കഴുത്തിന് ചുറ്റുമുള്ള കറുപ്പ് നിറം ഇല്ലാതാക്കാന് സഹായിക്കുന്നു. ഇത് മുഖത്ത് പുരട്ടുന്നതും വളരെ നല്ലതാണ്. കണ്ണിനു താഴെയുള്ള കറുപ്പ് നിറം ഒഴിവാക്കാനും ഇത് സഹായിക്കുന്നു.
