ന്യൂഡല്ഹി: അതിര്ത്തിയിലെ ചര്ച്ചകളില് ചൈന കാണിക്കുന്ന അലംഭാവത്തിനെതിരെ മുന്നറിയിപ്പുമായി സംയുക്ത സൈനിക മേധാവി ജനറല് ബിപിന് റാവത്. ഇന്ത്യ ചര്ച്ചകള് ക്കായി നടത്തുന്ന പരിശ്രമങ്ങള് ദൗര്ബല്യമായി കരുതേണ്ടെന്ന ശക്തമായ നിലപാടാണ് റാവത് അറിയിച്ചത്. സൈനിക നടപടി എന്ന അവസാന നീക്കം തങ്ങളുടെ മേശപ്പുറ ത്തുണ്ടെന്നും ജനറല് റാവത് പറഞ്ഞു. ലഡാക്കിലെ ചര്ച്ചകളില് പാങ്കോംങ് മേഖലയില് നിന്നും പിന്മാറാന് ചൈന ബോധപൂര്വ്വം ഒരു ശ്രമവും നടത്താത്തതിനെതിരെയാണ് സംയുക്ത സൈനിക മേധാവിയുടെ നിര്ണ്ണായക മുന്നറിയിപ്പ്.
അതിര്ത്തി മേഖലയിലെ ഭൂമിശാസ്ത്ര പ്രത്യേകതയാണ് പലപ്പോഴും സംഘര്ഷത്തിന് കാരണം. കൃത്യമായ അതിര്ത്തി നിശ്ചയിക്കാന് സാധിക്കാത്ത നിരവധി പ്രദേശങ്ങളുണ്ട്. അതിനാല് ചര്ച്ചകളിലൂടെ പിന്മാറ്റം തീരുമാനിക്കലാണ് അഭികാമ്യം. നിരീക്ഷണം നടത്തി ഇരുരാജ്യ ങ്ങളും പരസ്പരം അതിര്ത്തിയിലെ ദൂരം കണക്കാക്കേണ്ടതുണ്ട്. ഇന്ത്യന് ഭരണകൂടം സമാധാന പരമായി പ്രശ്നം പരിഹരിക്കാന് എല്ലാ പരിശ്രമങ്ങളും നടത്തുകയാണ്. എന്നാല് തല്സ്ഥിതി പുന: സ്ഥാപിക്കാന് പ്രതിരോധ സേനകള് പ്രതിജ്ഞാ ബദ്ധമാണെന്നും സൈനിക നീക്കത്തിന് ഒരുക്കമാണെന്നും ജനറല് റാവത് പറഞ്ഞു.
പ്രതിരോധ മന്ത്രി രാജ് നാഥ് സിംഗിന്റെ നേതൃത്വത്തില് ദേശീയ സുരക്ഷാ ഉപദേഷ്ടാവ് അജിത് ഡോവലും മറ്റ് സുരക്ഷാ ഉദ്യോഗസ്ഥരും സ്ഥിതിഗതികള് കൃത്യമായി അവലോകനം ചെയ്തു കഴിഞ്ഞുവെന്നും ജനറല് റാവത് പറഞ്ഞു.
Comments