മോസ്കോ: ഇന്ത്യന് ആകാശത്ത് സുരക്ഷയുടേയും പ്രത്യക്രമണത്തിന്റേയും അവസാന വാക്കായ എസ്. 400 വ്യോമപ്രതിരോധ മിസൈല് സംവിധാനം ഉടനെത്തും. റഷ്യ നല്കേണ്ട അത്യാധുനീക യുദ്ധോപകരണം ഉടന് റഷ്യയില് നിന്നും പുറപ്പെടുമെന്ന് ഇന്ത്യന് സ്ഥാനപതി വെങ്കടേഷ് വര്മ്മ അറിയിച്ചു. റഷ്യയുടെ ഏറ്റവും ശക്തമായ എസ്-400 വ്യോമപ്രതിരോധ ഉപകരണമാണ് ഇന്ത്യയ്ക്ക് നല്കാന് തീരുമാനം എടുത്തത്.
‘എസ്-400 ഉടന് ഇന്ത്യയിലേയ്ക്ക് എത്തിക്കും. റഷ്യയിലെ കൊറോണ വൈറസ് പ്രശ്നങ്ങളും പ്രതിരോധ ഇടപാടുകളുമായി ബന്ധമില്ല. ധാരണപ്രകാരം എല്ലാ നടപടിക്രമങ്ങളും പൂര്ത്തിയായി’ മോസ്കോയിലെ ഇന്ത്യന് അംബാസഡര് വെങ്കടേഷ് വര്മ്മ പറഞ്ഞു.
റഷ്യയുമായി ഇന്ത്യ 40,000 കോടിയുടെ കരാറാണ് ഉണ്ടാക്കിയത്. ഒപ്പം സ്പുട്നിക്കെന്ന റഷ്യന് വ്യോമ സംവിധാന കമ്പനിയുമായി കാമോവ്-കെഎ-226 ഹെലികോപ്റ്ററുകളുടെ നിര്മ്മാണം ഇന്ത്യയില് നടത്താനുള്ള തീരുമാനം ഉടനാകുമെന്നും വര്മ്മ അറിയിച്ചു.
Comments