നമ്മളില് മാംസാഹാരം കഴിക്കുന്നവരും അല്ലാത്തവരുമായി ഒരുപാടു പേരുണ്ട്. എന്നാല് മീന്കറിയും മീന് വറുത്തതും ഇല്ലെങ്കിലും ഇനി കാര്യമാക്കേണ്ടതില്ല തക്കാളിയും വഴുതനയും ഉണ്ടല്ലോ അതുമതി ഇനി ചോറു കഴിക്കാന്.
തക്കാളി മീന് കറി ഉണ്ടാക്കുന്നതിനായി ആദ്യം പുളി വെള്ളത്തിലിട്ടു വയ്ക്കുക. അതിനുശേഷം ചെറിയ ഉള്ളിയും പച്ചമുളകും വെളുത്തുള്ളിയും ഇഞ്ചിയും നന്നായി അരിഞ്ഞു വയ്ക്കുക. ഒരു ചട്ടി അടുപ്പില് വച്ച് അതിലേക്ക് കടുകിട്ട് പൊട്ടിച്ച ശേഷം ചെറിയ ഉള്ളി ഇട്ട് നന്നായി മൂപ്പിക്കുക. ഇതിലേക്ക് ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചേര്ത്ത് നന്നായി നന്നായി വഴറ്റുക. അതിനുശേഷം കൈ കൊണ്ട് നന്നായി ഉടച്ചെടുത്ത തക്കാളിയും ഇട്ട് കൊടുക്കുക. അതിലേക്ക് മഞ്ഞള്പ്പൊടിയും മുളകുപൊടിയും ഉപ്പും ചേര്ത്ത് ഇളക്കുക. ശേഷം എടുത്തു വച്ചിരിക്കുന്ന പുളി പിഴിഞ്ഞതും ചേര്ത്ത് നന്നായി ഇളക്കി യോജിപ്പിക്കുക.
ഒന്ന് തിളച്ച ശേഷം മല്ലിയിലയും വെളിച്ചെണ്ണയും ഒഴിച്ച് ഇറക്കിവയ്ക്കുക. തക്കാളി മീന് കറി റെഡി. ഇനി അടുത്ത വിഭവമാണ് നമ്മുടെ വഴുതന വറുത്തത്. ഇതിനായി വഴുതന എടുത്ത് നന്നായി വട്ടത്തില് മുറിച്ചെടുക്കുക. അതിനുശേഷം വെളുത്തുള്ളി ഇഞ്ചി പേസ്റ്റും മുളക്പൊടിയും മഞ്ഞള്പ്പൊടിയും ഉപ്പും ചേര്ത്ത് നന്നായി മിക്സ് ചെയ്ത് പത്ത് മിനിറ്റ് ഫ്രിഡ്ജില് വയ്ക്കുക. ശേഷം ചൂടുള്ള വെളിച്ചെണ്ണയില് ഇട്ട് വറുത്തെടുക്കുക സ്വാദിഷ്ടമായ വഴുതന മീന് വറുത്തതും തയ്യാര്. മീന് ഉണ്ടെങ്കില് മാത്രമേ ചോറു കഴുക്കുകയുളളൂ എന്ന് വാശി പിടിക്കുന്നവര് ഇത് ഒരു വട്ടം കഴിച്ചാല് പിന്നെ മീന് വേണമെന്ന് നിര്ബന്ധം പിടിക്കില്ല. അത്രയും സ്വാദിഷ്ടമാണ് ഈ രണ്ടു വിഭവങ്ങളും.
