ഇതാണ് ഭാരതത്തിലെ പ്രസിദ്ധമായ ശ്രീകൃഷ്ണ ക്ഷേത്രങ്ങൾ

ചിങ്ങമാസത്തിലെ കൃഷ്ണപക്ഷത്തിൽ വരുന്ന രോഹിണി നക്ഷത്രം ആണ് മഹാവിഷ്ണുവിന്റെ എട്ടാമത്തെ അവതാരമായ ശ്രീകൃഷ്ണന്റെ ജന്മദിനമായി ആഘോഷിക്കുന്നത് . കൃഷ്ണ ജന്മാഷ്ടമി ഭാരതത്തിലെങ്ങും ഉത്സവപ്രതീതിയോട് കൂടി ആചരിച്ചു പോരുന്ന ഒരു ഹൈന്ദവ ആഘോഷമാണ് . കൃഷ്ണാഷ്ടമിയോടനുബന്ധിച്ചു അറിയാം ഭാരതത്തിലെ ചില പ്രസിദ്ധമായ ശ്രീകൃഷ്ണ ക്ഷേത്രങ്ങളെ കുറിച്ച്

ബങ്കെ ബിഹാരി ക്ഷേത്രം , വൃന്ദാവൻ

ഉത്തർ പ്രദേശിലെ മഥുര  ജില്ലയിൽ ഉള്ള വൃന്ദാവൻ എന്ന പ്രദേശത്ത് സ്ഥിതി ചെയ്യുന്ന ഭഗവാൻ ശ്രീകൃഷ്ണന്റെ പ്രസിദ്ധമായ ക്ഷേത്രങ്ങളിൽ ഒന്നാണ് ബങ്കെ ബിഹാരി ക്ഷേത്രം . സ്വാമി ഹരിദാസിന് ഭഗവാൻ തന്നെ സമ്മാനിച്ച ത്രിഭംഗ രീതിയിൽ നിൽക്കുന്ന വിഗ്രഹമാണ് ക്ഷേത്രത്തിലെ പ്രതിഷ്ഠ .

ദ്വാരകാദിഷ് ക്ഷേത്രം , ദ്വാരക

മോക്ഷ പ്രാപ്തിക്കായി ദർശിക്കേണ്ട നാല് ക്ഷേത്രങ്ങളിൽ ഉൾപ്പെട്ടിട്ടുള്ള പുണ്യ ക്ഷേത്രങ്ങളിൽ ഒന്നാണ് ദ്വാരകാദിഷ് ക്ഷേത്രം . ഗുജറാത്തിലെ ദ്വാരകയിൽ സ്ഥിതി ചെയ്യുന്ന ഈ ക്ഷേത്രം ശ്രീകൃഷ്ണ ക്ഷേത്രങ്ങളിൽ വെച്ച് ഏറ്റവും പ്രസിദ്ധവും പവിത്രവുമാണ് .72 തൂണുകൾ ഉള്ള അഞ്ച് നില കെട്ടിടത്തിന്റെ പ്രധാന ആരാധനാലയം ജഗത് മന്ദിർ അല്ലെങ്കിൽ നിജ മന്ദിർ എന്നറിയപ്പെടുന്നു.

കൃഷ്ണ ബലറാം മന്ദിർ , വൃന്ദാവൻ

ലോകത്തിലെ പ്രധാന ഇസ്‌കോൺ ക്ഷേത്രങ്ങളിലൊന്നാണ് ശ്രീകൃഷ്ണ-ബലറാം മന്ദിർ അഥവാ ഇസ്‌കോൺ വൃന്ദാവൻ.  ഉത്തർപ്രദേശിലെ വൃന്ദാവനത്തിലാണ് ഈ ക്ഷേത്രം സ്ഥിതി ചെയ്യുന്നത് .

ജുഗൽ കിഷോർ ക്ഷേത്രം , വൃന്ദാവൻ

ഉത്തർ പ്രദേശിലെ വൃന്ദാവനത്തിൽ ആണ് ജുഗൽ കിഷോർ ക്ഷേത്രം സ്ഥിതി ചെയ്യുന്നത് .ഏറ്റവും പഴയ ക്ഷേത്രങ്ങളുടെ പരമ്പരയിലെ നാലാമത്തെ ക്ഷേത്രമായ ജുഗൽ കിഷോർ ക്ഷേത്രം, ഘട്ട് ക്ഷേത്രം എന്നും അറിയപ്പെടുന്നു .

ഗുരുവായൂർ ക്ഷേത്രം , കേരളം

കേരളത്തിലെ തൃശ്ശൂരിൽ ജില്ലയിൽ   സ്ഥിതി ചെയ്യുന്ന ഏറ്റവും  പ്രശസ്തമായ ശ്രീകൃഷ്ണ ക്ഷേത്രം ആണ് ഗുരുവായൂർ ശ്രീകൃഷ്ണ സ്വാമി ക്ഷേത്രം . തെന്നിന്ത്യയിലെ ദ്വാരക എന്നും ഗുരുവായൂർ ക്ഷേത്രം അറിയപ്പെടുന്നു .