സമ്മാനം ലഭിച്ച മദ്യകുപ്പികൾ വിറ്റ് വീട് വാങ്ങാനൊരുങ്ങി യുവാവ് . സ്കോട്ട് ലാന്റിലാണ് സംഭവം . ഇരുപത്തിയെട്ട് വയസ്സുള്ള മാത്യു റോബിൻസണാണ് തനിക്ക് ജന്മദിനങ്ങളിൽ സമ്മാനമായി ലഭിച്ച വിസ്കി കുപ്പികൾ ലേലത്തിൽ വിറ്റു വീട് വാങ്ങാനൊരുങ്ങുന്നത് .
ജന്മദിനത്തിൽ എല്ലാ വർഷവും പിതാവിൽ നിന്ന് 18 വർഷം പഴക്കമുള്ള വിസ്കിയുടെ ഒരു ഫാൻസി കുപ്പി വീതം ലഭിച്ചിരുന്നു. ഒരു കുപ്പി മക്കല്ലൻ വിസ്കിയാണ് സമ്മാനമായി നൽകിരുന്നത്.
സ്കോട്ട് ലാന്റിലെ മിൽനാഥോർട്ടിൽ നിന്നുള്ള പീറ്റ്, വിസ്കിക്കായി ചില അസംസ്കൃത വസ്തുക്കൾ നിർമ്മിക്കുന്ന ഒരു കമ്പനിയിൽ ആണ് ജോലി നോക്കിയിരുന്നത് . ഇങ്ങിനെ ജോലി ചെയ്യുന്നതിനിടയിലാണ് അദ്ദേഹം മക്കല്ലൻ എന്ന ബ്രാൻഡ് തിരഞ്ഞെടുത്തതും , ജന്മദിനത്തിൽ എല്ലാ വർഷവും മകന് ഒരു കുപ്പി മക്കല്ലൻ വാങ്ങി സമ്മാനിക്കുവാൻ തീരുമാനിച്ചതും .
മദ്യ കുപ്പികൾ തുറക്കരുത് എന്ന നിർദേശത്തോടെയാണ് ഇവ നൽകിയിരുന്നത് . മകന് പത്തു വയസ്സുള്ളപ്പോൾ ആണ് പീറ്റ് ആദ്യമായി ഒരു വിസ്കി കുപ്പി സമ്മാനമായി നൽകിയത് . പതിനെട്ട് വർഷം കൊണ്ട് പീറ്റ് ഏകദേശം അയ്യായിരം പൗണ്ടാണ് (അതായത് നാലേമുക്കാൽ ലക്ഷം രൂപ )വിസ്കി വാങ്ങാൻ ചിലവഴിച്ചത് . വർഷങ്ങൾ കൊണ്ട് ഈ വിസ്കി കുപ്പികളുടെ വില ഉയർന്ന് ഏകദേശം നാല്പതിനായിരം പൗണ്ടാണ് ആയിരിക്കുന്നത് അതായതു മുപ്പത്തിയെട്ട് ലക്ഷം രൂപ .
അച്ഛൻ തനിക്ക് നൽകിയ സമ്മാനത്തിന്റെ മൂല്യം ഇപ്പോഴാണ് മനസിലായത് എന്നും , അദ്ദേഹം തനിക്കു വേണ്ടി ചെയ്ത ഏറ്റവും നല്ല കാര്യങ്ങളിൽ ഒന്നാണ് ഇതെന്നും മാത്യു പറയുകയുണ്ടായി . തന്റെ കയ്യിൽ ഉള്ള വിസ്കി കുപ്പികളുടെ ശേഖരം ലേലത്തിന് വെക്കാൻ ഒരുങ്ങുകയാണ് ഈ ചെറുപ്പക്കാരൻ . മാർക്ക് ലിറ്റർ ലിമിറ്റഡ് എന്ന കമ്പനിയെ ആണ് വിസ്കി കുപ്പികൾ ലേലം ചെയ്യുവാനായി ഏൽപ്പിച്ചിരിക്കുന്നത് .
