പുറത്തു പോയി ഭക്ഷണം കഴിക്കാന് ആഗ്രഹിക്കുന്ന ആളുകളാണ് മിക്കവരും. എന്നാല് അത് കടലിനടിയില് ആയാലോ ചുറ്റും മത്സ്യങ്ങളെ കണ്ടു ഭക്ഷണം കഴിക്കാം. രാവിലെ തിരമാലകളെ കണി കണ്ട് ഉണരാം. ഓര്ക്കുമ്പോള് തന്നെ ഏറെ വിസ്മയം തോന്നിപ്പിക്കുന്ന കാഴ്ച. ഇത്തരമൊരു റെസ്റ്റോറന്റ് ആര്ക്കാണ് ഇഷ്ടപ്പെടാത്തത്. വിനോദ സഞ്ചാരികളുടെ പറുദീസ എന്നറിയപ്പെടുന്ന മാലിദ്വീപിലാണ് ലോകത്തിലെ ആദ്യത്തെ തന്നെ അണ്ടര്വാട്ടര് റെസ്റ്റോറന്റായ ഇത്താ . സ്ഥിതി ചെയ്യുന്നത്. ഇന്ത്യന് മഹാസമുദ്രത്തില് നിന്നും അഞ്ച് മീറ്റര് ആഴത്തിലാണ് ഈ റെസ്റ്റോറന്റ്.മുത്തുകളുടെ മാതാവ് എന്ന അർത്ഥം വരുന്ന പേരാണ് ഇത്താ .
ഒരു സ്പൈറല് സ്റ്റെയര്കെയ്സ് വഴിയാണ് അക്രലിക് കൊണ്ട് നിര്മ്മിച്ചിട്ടുള്ള ഈ റസ്റ്റോറന്റിലേയ്ക്ക് പ്രവേശിക്കുന്നത്. ഒരേ സമയം പതിനാലു പേര്ക്ക് ഭക്ഷണം കഴിയ്ക്കാം. നൂറ്റി എഴുപത്തിയഞ്ച് ടണ് വരുന്ന ഈ റെസ്റ്റോറന്റ് സിംഗപ്പൂരിലാണ് നിര്മ്മിച്ചത്. 2004 മെയ് മാസത്തില് നിര്മ്മാണം ആരംഭിച്ച് ഒക്ടോബര് മാസത്തോടെ പണി പൂര്ത്തിയാക്കി പതിനാറു ദിവസം എടുത്ത് കപ്പലിലാണ് മാലിദ്വീപില് എത്തിച്ചത്. ന്യൂസിലാന്റ് ആസ്ഥാനമായുള്ള ഡിസൈന് കണ്സള്ട്ടന്സി കമ്പനിയായ എംജെ മര്ഫില് ലിമിറ്റഡാണ് ഇത്താ .റെസ്റ്റോറന്റ് രൂപകല്പ്പന ചെയ്തതും നിര്മ്മിച്ചതും.
കടലിനടിയില് സ്ഥിതി ചെയ്യുന്നു എന്നതു തന്നെയാണ് ഇത്തായെ ഏറ്റവും പ്രശസ്തവും ആകര്ഷണീയവും ആക്കുന്നത്. കുറച്ചു പേര്ക്കു മാത്രമേ ഒരേ സമയം ഇവിടെ പ്രവേശിയ്ക്കാനുളള സൗകര്യമുളളൂ അതിനാല് മുന്കൂട്ടി ബുക്ക് ചെയ്യേണ്ടത് ആവശ്യമാണ്. സ്വകാര്യ പാര്ട്ടികളും വിവാഹ സല്ക്കാരങ്ങളും നടക്കുന്ന ഈ റെസ്റ്റോറന്റില് ഒരു ദിവസം അന്തിയുറങ്ങണമെങ്കില് ലക്ഷങ്ങള് തന്നെ വേണം. കടലിനുളളിലെ ഈ വിരുന്ന് ആസ്വദിക്കാന് ആരും കൊതിയ്ക്കും. വിനോദ സഞ്ചാരികള് ഏറെ ആഗ്രഹിക്കുന്ന സ്ഥലങ്ങളില് ഒന്നാണ് മാലിദ്വീപ്.
Comments