തൈര് നിത്യവും കഴിക്കുന്നത് ആരോഗ്യത്തിന് വളരെ നല്ലതാണ്. കാരണം തൈരില് അടങ്ങിയിട്ടുളള കാല്സ്യം, വൈറ്റമിന് ബി2, പൊട്ടാസ്യം, മഗ്നീഷ്യം എന്നീ ഗുണങ്ങള് ശരീരത്തിന് ഏറെ ഗുണപ്രദമാണ്. കുട്ടികള്ക്കും മുതിര്ന്നവര്ക്കും ഒരു പോലെ ഇഷ്ടപ്പെടുന്ന ഒരു വിഭവം കൂടിയാണിത്. മിക്ക ആളുകളും ചോറിനൊപ്പം തൈര് കഴിക്കുന്നവരാണ്. എന്നാല് തൈരിനോടൊപ്പം ചിലത് ചേര്ന്നാല് അത് ശരീരത്തിനു ദോഷമായി ബാധിക്കുന്നു. തൈരും മോരുമൊക്കെ ചോറിനോടൊപ്പം മീനും കൂട്ടി കഴിക്കുവര് ഏറെയുണ്ട്. എന്നാല് ഇത് ആരോഗ്യത്തിന് വളരെ ദോഷകരമാണ്.
ഇത് രക്തചംക്രമണം നേരായരീതിയില് നടക്കാത്തതിനു കാരണമാകുകയും തുടര്ന്ന് രക്തക്കുഴലുകളിലെ തടസത്തിന് ഇടയാകുകയും ചെയ്യുന്നു. തൈരും ചിക്കനും ഒരുമിച്ച് കഴിക്കുന്നത് ഒരുപാട് അസുഖങ്ങള് വരാന് കാരണമാവുകയും ആരോഗ്യത്തെ നശിപ്പിക്കുകയും ത്വക്ക് രോഗങ്ങള് വരാന് കാരണമാവുകയും ചെയ്യുന്നു. അതുപോലെ തേനും മോരും ഒരു കാരണവശാലും ഒരുമിച്ച് ചേര്ക്കരുത്. അത് ആരോഗ്യത്തിന് വളരെ ദോഷമാണ്. അതുപോലെ തന്നെ മുളപ്പിച്ച ധാന്യങ്ങള്, ഉഴുന്ന് എന്നിവയോടൊപ്പവും ഒരു കാരണവശാലും തൈര് കൂട്ടാന് പാടില്ല. അത് വിപരീത ഫലമാണ് ശരീരത്തിന് നല്കുക.
ചിക്കന് ബിരിയാണിയുടെ കൂടെ എല്ലാവരും കഴിക്കുന്ന ഒന്നാണ് സാലഡ് എന്നാല് സവാളയും തക്കാളിയും തൈരും ഒരുമിച്ച് ചേര്ത്ത് ഉണ്ടാക്കുന്ന ഇത് ചിക്കനോടൊപ്പം കഴിക്കുന്നത് ദോഷമാണ്. എണ്ണ പലഹാരങ്ങളുടെ കൂടേയും തൈര് കഴിക്കാന് പാടില്ല. കൂടാതെ എണ്ണയില് വറുത്ത ഇറച്ചി മീന് എന്നിവ കഴിക്കുമ്പോള് അതിനോടൊപ്പം തൈര് ചേര്ത്ത് കഴിക്കുന്നതും നല്ലതല്ല. ഇത് ശരീരത്തെ പ്രതികൂലമായി ബാധിക്കുകയും ചര്മരോഗങ്ങള് കാരണമാകുകയും ചെയ്യുന്നു. ഇതിനു പുറമേ ദഹന പ്രശ്നങ്ങള്ക്കും അസിഡിറ്റിക്കും കാരണമാകുന്നു.
