അഭിനയിച്ച കഥാപാത്രങ്ങളിലൂടെയെല്ലാം പ്രേക്ഷക മനസ്സില് ഇടം കണ്ടെത്തിയ നായികയാണ് സംയുക്ത വര്മ്മ. ഒരുപാട് നല്ല സിനിമകളിലൂടെ സംയുക്ത വര്മ്മ നമുക്ക് മുന്നില് എത്തിയിട്ടുണ്ട്. വിവാഹ ശേഷം സിനിമയില് നിന്നും വിട്ടു നിന്നെങ്കിലും സോഷ്യല് മീഡിയ വഴി സജീവമാണ് താരം. ബാലതാരമായി സിനിമയിലെത്തിയ മറ്റൊരു താരമാണ് മന്യ. അഭിനയിച്ച സിനിമകളിലൂടെ മലയാളികള്ക്ക് പ്രിയങ്കരിയായി മാറിയ നായിക. വണ് മാന് ഷോ എന്ന സിനിമയില് മാത്രമേ ഒരുമിച്ച് അഭിനയിച്ചുള്ളൂ എങ്കിലും ഇരുപതു വര്ഷം നീണ്ടു നില്ക്കുന്ന സൗഹൃദമാണ് സംയുക്തയും മന്യയും തമ്മിലുളളത്.
മന് എന്നാണ് മന്യയ്ക്ക് സംയുക്ത നല്കിയ ഓമന പേര്. ചിന്നു എന്നാണ് മന്യ സംയുക്തയെ വിളിക്കുന്നത്. വിവാഹ ശേഷം കുടുംബിനികളായി തുടരുകയാണ് രണ്ടു താരങ്ങളും. അതിനിടയിലും ഇവരുടെ സൗഹൃദ ബന്ധവും വളരെ നന്നായി തന്നെ മുന്നോട്ടു പോയി. ലോകഡൗണ് കാലത്തെ വിശേഷങ്ങള് സംയുക്താ വര്മ്മയും, തന്റെ മകളോടൊത്തുള്ള പുതിയ ചിത്രങ്ങള് മന്യയും സോഷ്യല് മീഡിയയിലൂടെ പങ്കുവെച്ചിരുന്നു. എന്നാല് ഷൂട്ടിംഗ് കാലത്തെ മന്യയെക്കുറിച്ചുള്ള നല്ല ഓര്മ്മകളാണ് സംയുക്താ വര്മ്മ ഇപ്പോള് സോഷ്യല് മീഡിയയിലൂടെ പങ്കുവയ്ക്കുന്നത്. പരമ്പരാഗത രീതിയില് തന്റെ ശരീരത്തെ സംരക്ഷിക്കുകയും ആ രീതിയില് തന്നെ ദിനചര്യകള് കൊണ്ടു പോവുകയും ചെയ്തിരുന്ന ഒരു താരമായിരുന്നു മന്യ.
ഷൂട്ടിംഗ് സമയത്ത് രാവിലെ നേരത്തെ എഴുന്നേല്ക്കുക യോഗ ചെയ്യുക, മഞ്ഞള് തേച്ച് കുളിക്കുക, ഗണപതി പൂജ നടത്തുക എന്നിങ്ങനെ എല്ലാ ശീലങ്ങളും മന്യയ്ക്ക് ഉണ്ടായിരുന്നു എന്ന് സംയുക്ത പറയുന്നു. അമേരിക്കയില് വെച്ച് കണ്ടു പിരിയുമ്പോള് തനിക്കും മകനും സ്വാദിഷ്ടമായ സദ്യ ഒരുക്കാനും മന്യ മറന്നില്ലെന്നും സംയുക്ത പറഞ്ഞു. കുഞ്ഞിക്കൂനന് എന്ന സിനിമയിലെ ഒരു കഥാപാത്രവുമായി ബന്ധപ്പെട്ട് മന്യയെ കുറിച്ചുള്ള ട്രോളുകളാണ് കഴിഞ്ഞ കുറച്ചു ദിവസങ്ങളായി സോഷ്യല് മീഡിയയില് നിറഞ്ഞു നില്ക്കുന്നത്. ഈ സാഹചര്യത്തിലാണ് മന്യയെ കുറിച്ചുള്ള നല്ല ഓര്മ്മകളുമായി സംയുക്ത വര്മ്മ സോഷ്യല് മീഡിയയിലൂടെ രംഗത്തെത്തിയത്.
