വാണിജ്യപരമായി മാന്ത്രിക വിദ്യയിൽ വിജയം കൈവരിച്ച ഏക മാന്ത്രികൻ എന്ന് ഫോർബ്സ് മാസിക വിശേഷിപ്പിച്ച വ്യകതിയാണ് അമേരിക്കക്കാരനായ ഡേവിഡ് കോപ്പർഫീൽഡ് . തന്റെ പത്താമത്തെ വയസ്സ് മുതൽ മാന്ത്രിക വിദ്യ പരീക്ഷിച്ചു തുടങ്ങിയ കോപ്പർഫീൽഡ് .പന്ത്രണ്ടാമത്തെ വയസ്സിൽ സൊസൈറ്റി ഓഫ് അമേരിക്കൻ മജിഷ്യൻസിൽ പ്രവേശനം ലഭിച്ച ഏറ്റവും പ്രായം കുറഞ്ഞ വ്യക്തിയായി മാറി.
ഡേവിഡ് കോപ്പർഫീൽഡിന്റെ യഥാർത്ഥ നാമം ഡേവിഡ് സേത്ത് കോട്കിൻ എന്നായിരുന്നു . പതിനെട്ടാം വയസ്സിൽ കോപ്പർഫീൽഡ് ന്യൂയോർക്ക് നഗരത്തിലെ ജെസ്യൂട്ട് ആസ്ഥാനമായുള്ള ഫോർഡാം യൂണിവേഴ്സിറ്റിയിൽ ഉന്നത വിദ്യാഭ്യാസത്തിന് ചേർന്ന് മൂന്നാഴ്ചക്കുള്ളിൽ ചിക്കാഗോയിൽ വെച്ച് നടന്ന ദി മാജിക് മാൻ എന്ന പരിപാടിയിൽ പ്രധാന വേഷം ചെയ്യാൻ നിയോഗികപെട്ടു . ഈ അവസരത്തിൽ ആണ് ഡേവിഡ്, കോപ്പർഫീൽഡ് എന്ന ചാൾസ് ഡിക്കൻസ് നോവലിലെ നാമം തന്റെ പേരിനൊപ്പം ചേർത്തത് . കോപ്പർഫീൽഡ് സ്വയം പാടി നൃത്തം ചെയ്തു കൊണ്ട് അവതരിപ്പിച്ച ഈ പരിപാടി ചരിത്രത്തിലെ ഏറ്റവും ദൈർഘ്യമുള്ള മാന്ത്രിക പരിപാടി ആയി മാറുകയായിരുന്നു .
മാജിക് മാൻ എന്ന പരിപാടിക്ക് ശേഷം ന്യൂ യോർക്കിലേക്ക് തിരികെയെത്തിയ കോപ്പർഫീൽഡ് ക്ലാസിക് സംഗീതത്തോടുള്ള അഭിനിവേശവും , ഡിസ്നി കഥകളിലെ കഥാപാത്രങ്ങളോടുള്ള തന്റെ സ്നേഹവും , താൻ ചെയ്യുന്ന മാന്ത്രിക വിദ്യകളിൽ അവയെ കൂടി ഉൾപ്പെടുത്താനുള്ള ശ്രമം നടത്തുകയും അത് ജനഹൃദയങ്ങളിൽ കൂടുതൽ സ്വാധീനം ചെലുത്തുകയും ചെയ്തു .
ഡേവിഡ് കോപ്പർഫീൽഡ് അവതാരകൻ ആയി എത്തിയ ” “ദി മാജിക് ഓഫ് എബിസി” ടെലിവിഷൻ ഷോകളിൽ വെച്ച് മികച്ച റേറ്റിംഗ് നേടുകയും, ഈ ഷോയിലൂടെ ദശലക്ഷക്കണക്കിന് പ്രേക്ഷകരുമായി തന്റെ തനതായ ശൈലിയിലുള്ള മാജിക്ക് അദ്ദേഹം പങ്കിടുകയും ചെയ്തു. തുടർന്ന് അദ്ദേഹം “ദി മാജിക് ഓഫ് ഡേവിഡ് കോപ്പർഫീൽഡ് ” എന്ന പരിപാടി അവതരിപ്പിക്കുകയും , ഓരോ എഡിഷനിലും അദ്ദേഹം മുമ്പൊരിക്കലും ആരും ചെയ്തിട്ടില്ലാത്തതും ശ്രമിക്കാത്തതുമായ മാന്ത്രിക വിദ്യകൾ ലക്ഷകണക്കിന് ആരാധകരുടെ മുന്നിൽ അവതരിപ്പിക്കുവാൻ തുടങ്ങി . തന്റെ ഈ പരിപാടിയുടെ നാലാമത്തെ എഡിഷനിൽ അദ്ദേഹം ഒരു ജെറ്റ് വിമാനത്തെ അപ്രത്യക്ഷമാക്കി . അതെ പോലെ തന്നെ അഞ്ചാമത്തെ എഡിഷനിൽ അമേരിക്കയിലെ സ്റ്റാച്യു ഓഫ് ലിബേർട്ടിയെ അപ്രത്യക്ഷമാക്കിക്കൊണ്ടാണ് അദ്ദേഹം ലോക ജനശ്രദ്ധ പിടിച്ചുപറ്റിയത് .
ഡേവിഡ് കോപ്പെർഫിലെഡിന്റെ ടെലിവിഷൻ പരിപാടികൾ നിരവധി അവാർഡുകൾ വാങ്ങി കൂട്ടിയിട്ടുണ്ട് . അദ്ദേഹത്തിന്റെ നാല്പതു വർഷത്തെ കരിയറിൽ പതിനൊന്ന് ഗിന്നസ്സ് ബുക്ക് ഓഫ് വേൾഡ് റെക്കോർഡ്സ് ആണ് കരസ്ഥമാക്കിയിരിക്കുന്നത് . മാന്ത്രിക വിദ്യ പ്രകടനങ്ങൾ ഇല്ലാത്തപ്പോൾ ഡേവിഡ് കോപ്പർഫീൽഡ് അദ്ദേഹത്തിന്റെ ബഹാമസിലുള്ള പതിനൊന്ന് റിസോർട്ടുകളുടെ മേൽനോട്ടം വഹിക്കുന്നു .
Comments