ഈ കഴിഞ്ഞ ദിവസങ്ങളില് മനുഷ്യ മനസാക്ഷിയെ മരവിപ്പിച്ച സംഭവമായിരുന്നു കൊറോണ രോഗിയായ പെണ്കുട്ടിയെ ആംബുലന്സ് ഡ്രൈവര് പീഡിപ്പിച്ചത്. എന്നാല് ഇപ്പോള് സോഷ്യല് മീഡിയ ചര്ച്ച ചെയ്യുന്നത് മുന്പ് കലാഭവന് മണി അഭിനയിച്ച ആംബുലന്സ് എന്ന ഹ്രസ്വ ചിത്രത്തെക്കുറിച്ചാണ്.
റെയിന് ഡ്രോപ്പ്സ് ക്രിയേഷന്സിന്റെ ബാനറില് മെറീന അലക്സ് നിര്മ്മിച്ചു സോഷ്യല് മീഡിയയില് വൈറല് ആയിരുന്ന വഴുതന എന്ന ഹ്രസ്വ ചിത്രത്തിന്റെ സംവിധായന് അലക്സാണ് ആംബുലന്സിന്റെ സംവിധാനം നിര്വഹിച്ചിരിക്കുന്നത്. ഒരു നിരാലംബയായ പെണ്കുട്ടി രാത്രിയില് ആംബുലന്സ് ഡ്രൈവറാല് പീഡിപ്പിക്കപ്പെടുന്നതാണ് ഈ ചെറു സിനിമയുടെ ഇതിവൃത്തം.
ആറന്മുള സംഭവത്തിന്റെ നടുങ്ങലില് നിന്നും മനസ് വിട്ടു മാറാത്ത ഓരോ വ്യക്തികള്ക്കും ആംബുലന്സ് എന്ന ചെറു ചിത്രം വേദന ആവുകയാണ്. കുറച്ചു നാള് മുന്നേ യൂട്യൂബില് റിലീസ് ചെയ്യപ്പെട്ട ഈ ചിത്രം ഭാവിയില് സ്ത്രീകള് അനുഭവിച്ചേക്കാവുന്ന ദുരനുഭവങ്ങളുടെ നേര് കാഴ്ച്ചയാണ്. സിനിമ രംഗത്തെ പ്രമുഖര് അണിയറയില് പ്രവര്ത്തിച്ചിരുന്ന ഈ ഹ്രസ്വ ചിത്രം ഈസ്റ്റ് കോസ്റ്റ് എന്റര്ടൈന്മെന്റിന്റെ യൂട്യൂബ് ചാനലില് റിലീസ് ചെയ്തിരിക്കുന്നു.
