കേരളത്തിലെ കോഴിക്കോടുള്ള വെള്ളരിക്കുണ്ട് ചീർക്കയത്തുള്ള കൃഷിയിടത്തിലാണ് മനുഷ്യ മുഖത്തോട് സാദൃശ്യമുള്ള ചിലന്തിയെ കണ്ടെത്തിയത് . ചീർക്കയത്തെ പാട്ടത്തിൽ അപ്പുകുട്ടൻ നായരുടെ കൃഷിയിടത്തിലാണ് അപൂർവ്വയിനം ചിലന്തിയെ കണ്ടത് .
ഓറഞ്ച് , മഞ്ഞ , കറുപ്പ് , വെളുപ്പ് , തവിട്ട് എന്നിങ്ങനെ അഞ്ചു നിറങ്ങൾ ഇടകലർന്ന നിറമാണ് ചിലന്തിക്കുള്ളത് . മനുഷ്യ മുഖത്തുള്ള കണ്ണ് , മൂക്ക് , ചെവി എന്നിവയോടു സാദൃശ്യമുള്ള രൂപമാണ് ചിലന്തിക്കുള്ളത് . ചെവിയുടെ ഇരുവശങ്ങളിലുമായി രോമങ്ങൾ ഉള്ള ചിലന്തി കുരുമുളക് വള്ളിയിൽ വലകെട്ടി ഇരപിടിക്കുന്നതിനായി മലർന്ന് കിടക്കുകയായിരുന്നു .
ഭാരതത്തിൽ 1442 ഇനത്തിലുള്ള ചിലന്തികൾ ഇതുവരെ ഗവേഷകർ കണ്ടെത്തിയിട്ടുണ്ട് . അതിൽ അഞ്ഞൂറിനം കേരളത്തിൽ കണ്ടു വരുന്നവയാണെങ്കിലും മനുഷ്യ മുഖമുള്ള ഒരു ചിലന്തി വർഗത്തെ ആദ്യമായിട്ടാണ് കണ്ടെത്തുന്നത് എന്നാണ് ശാസ്ത്രജ്ഞർ പറയുന്നത് .
കഴിഞ്ഞ വർഷം ചൈനയിലെ വുഹാനിൽ കണ്ടെത്തിയ പച്ചനിറത്തിൽ മനുഷ്യമുഖമുള്ള ചിലന്തിയെ കുറിച്ച് സമൂഹമാദ്ധ്യങ്ങളിൽ ചർച്ചയായിരുന്നു . ചൈനയിലെ പീപ്പിൾസ് ഡെയിലി ആണ് മനുഷ്യ മുഖമുള്ള ചിലന്തിയുടെ വീഡിയോ പുറത്തു വിട്ടത് . വുഹാൻ പ്രവിശ്യയിൽ ഉള്ള ഒരു വീട്ടിൽ ഉണ്ടായിരുന്ന ചെടിയിൽ ആണ് പച്ച നിറത്തിലുള്ള ചിലന്തിയെ കണ്ടെത്തിയത് . പച്ച നിറമുള്ള ചിലന്തിയുടെ പുറത്തുള്ള കറുത്ത വരകളിൽ ആണ് മനുഷ്യ മുഖം പോലുള്ള മാതൃക കണ്ടത് . സ്പൈഡർ മാനേ കണ്ടെത്തിയോ ? എന്ന കുറിപ്പോടെയാണ് പീപ്പിൾസ് ഡെയിലി വീഡിയോ ജനങ്ങളുമായി പങ്കു വെച്ചത് .
ഒരു വർഷത്തിന് ശേഷം ഇന്ന് ഭാരതത്തിൽ അതും കേരളത്തിൽ മനുഷ്യ മുഖമുള്ള ചിലന്തിയെ കണ്ടെത്തിയിരിക്കുന്നു . വാർത്ത പുറത്ത് വന്നയുടൻ നിരവധി പേരാണ് ചിലന്തിയെ കാണായി ചീർക്കയത്തേക്കു എത്തി ചേർന്ന് കൊണ്ടിരിക്കുന്നത് .
Comments