ആകര്ഷകമായ പുതിയ ഡബ്ലൂവൈഎല്ഡി ചോപ്പര് സ്റ്റൈല് ഇലക്ട്രിക് ബൈക്ക് പുറത്തിറക്കി ഇലക്ട്രിക് മൊബിലിറ്റി സൊല്യൂഷന്സ്. ഡബ്ലൂവൈഎല്ഡി ചോപ്പര് സ്റ്റൈല് ഇലക്ട്രിക് ബൈക്കില് ഡീപ് ഹാംഗര് ഹാന്ഡില് ബാറുകള്, ഫോര്വേഡ് മൗണ്ട് ചെയ്ത മിനി ഫ്ലോര് ബോര്ഡുകള്, റിലാക്സ്ഡ് സിറ്റിംഗ് പൊസിഷന്, തടിച്ച് ഫ്രണ്ട് & റിയര് ഫെന്ഡറുകള്, ഒരു വലിയ സോളോ സാഡില് എന്നിവ പോലുള്ള പരമ്പരാഗത ക്രൂയിസര് സ്റ്റൈലിംഗ് എന്നീ ഘടകങ്ങളുണ്ട്. കൂടാതെ പതിനെട്ട് ഇഞ്ച് വീലുകളിലെ ഫാറ്റ് ടയറുകളും ക്രൂയിസര് സ്റ്റൈലിംഗിന് കൂടുതല് മാറ്റ് കൂട്ടുന്നു. ഓസ്ട്രേലിയന് ഇലക്ട്രിക് മോട്ടോര്സൈക്കിള് ബ്രാന്ഡായതു കൊണ്ടു തന്നെ ഓസ്ട്രേലിയയില് ബൈക്ക് വില്ക്കാനുളള അനുമതി കമ്പനിക്ക് ഇതിനകം തന്നെ കിട്ടിയിട്ടുണ്ട്.
ഉയര്ന്ന വേഗത മണിക്കൂറില് വെറുംഅന്പത് കിലോ മീറ്റർ മാത്രം ആയതിനാല് ചില ഓസ്ട്രേലിയന് സംസ്ഥാനങ്ങളില് ഇത് ഓടിക്കാന് മോട്ടോര് സൈക്കിള് ലൈസന്സിന്റെ ആവശ്യം പോലുമില്ല. മൂന്ന് വ്യത്യസ്ത വലുപ്പത്തിലുള്ള നീക്കം ചെയ്യാവുന്ന ബാറ്ററി പായ്ക്കുകള് ഉള്ള മോട്ടോറുകളുടെ ഒരു നിരയാണ് ഡബ്ലൂവൈഎല്ഡി -ന്റെ കരുത്ത്.
ബാറ്ററികള് ഇല്ലാതെ വെറും എഴുപത്തിനാലു കിലോഗ്രാം ഭാരമുള്ള ഈ ബൈക്കിന് ഇരുന്നൂറ് കിലോഗ്രാം ഭാരം വഹിക്കാന് സാധിയ്ക്കും. എന്നത് ഡബ്ലൂവൈഎല്ഡിന്റെ മറ്റൊരു പ്രത്യേകതയാണ്. ഡബ്ലൂവൈഎല്ഡിയുടെ എന്ട്രി ലെവല് വേരിയന്റിനായി ഏകദേശം 1.61 ലക്ഷം രൂപ മുതലാണ് വില ആരംഭിക്കുന്നത്. ഇലക്ട്രിക് മൊബിലിറ്റി സൊല്യൂഷന്സിന്റെ ഡബ്ലൂവൈഎല്ഡി ചോപ്പര് സ്റ്റൈല് ഇലക്ട്രിക് ബൈക്കുകള് ഓസ്ട്രേലിയയ്ക്ക് പുറത്ത് ഇറക്കുന്നതുമായി ബന്ധപ്പെട്ടുളള പ്രവര്ത്തനങ്ങളെ കുറിച്ച് ഇതുവരെ വ്യക്തമാകാത്തതിനാല് ഇന്ത്യയില് എന്ന് എത്തും എന്നതിന് ഇതു വരെ തീരുമാനയായിട്ടില്ല.
