ഭീകരതയാണ് നേട്ടം; കൊടും ഭീകരര്‍ക്ക് പെന്‍ഷന്‍ കൊടുക്കുന്ന രാജ്യം: ഇമ്രാനും പാകിസ്താനും കണക്കിന് കൊടുത്ത് ഇന്ത്യ

ന്യൂയോര്‍ക്ക്: പാകിസ്താന് കണക്കിന് മറുപടി നല്‍കി ഇന്ത്യ. 75-ാം യു.എന്‍. ജനറല്‍ അസംബ്ലിയോഗത്തിലാണ് ഇന്ത്യ പാകിസ്താനെതിരെ ആഞ്ഞടിച്ചത്. പാകിസ്താന്റെ ആകെയുള്ള കഴിഞ്ഞ 70 വര്‍ഷത്തെ തിളക്കമാര്‍ന്ന നേട്ടമെന്നത് ഭീകരത വളര്‍ത്തിയെന്നതു മാത്രമാണെന്നാണ് ഇന്ത്യ പരിഹസിച്ചത്. കൊടും ഭീകരന്മാര്‍ക്ക് പെന്‍ഷന്‍ കൊടുക്കുന്ന ഏക രാജ്യമാണ് പാകിസ്താനെന്നും ഇന്ത്യ പറഞ്ഞു.

#WATCH This is the same country that provides pensions for dreaded&listed terrorists out of State funds…We call upon Pak to vacate all those areas that it's in illegal occupation of: Mijito Vinito,First Secy,India Mission to UN exercises India's right of reply to Pak PM at UNGA pic.twitter.com/PiXDSZAYTJ

— ANI (@ANI) September 25, 2020

ഇന്ത്യ പാകിസ്താനെതിരെ വെറുപ്പും വിദ്വേഷവും പരത്താന്‍ മാത്രം പണിയെടുക്കുന്ന രാജ്യമാണെന്ന ഇമ്രാന്‍ഖാന്റെ ഇന്നലത്തെ പ്രസ്താവനയ്‌ക്കും ഇന്ത്യ മറുപടി നല്‍കി. സ്വന്തം കാര്യമാണ് ഇമ്രാന്‍ഖാന്‍ പറയുന്നതെന്നാണ് ഇന്ത്യയുടെ സ്ഥിരം പ്രതിനിധി മിജിതോ വിനിതോ പറഞ്ഞു. ഇമ്രാന്‍ഖാന്‍ മുന്‍കൂട്ടി പ്രസംഗിച്ച് റെക്കോഡ് ചെയ്തിരുന്ന പ്രസംഗം സഭയില്‍ കേള്‍പ്പിക്കുന്നതിനിടെ ഇന്ത്യ പ്രതിഷേധിച്ച് ഇറങ്ങിപ്പോയിരുന്നു.

പാകിസ്താന്‍ ജമ്മുകശ്മീര്‍ വിഷയം അനാവശ്യമായി ഉന്നയിക്കുന്നതില്‍ പ്രതിഷേധിച്ചാണ് ഇന്ത്യ വാക്കൗട്ട് നടത്തിത്. ഇന്ത്യയുടെ കേന്ദ്രഭരണ പ്രദേശമാണ് ജമ്മുകശ്മീരും ലഡാക്കും. എക്കാലത്തും പ്രദേശങ്ങള്‍ ഇന്ത്യയുടെ അവിഭാജ്യ ഘടകമാണ്. ജമ്മുകശ്മീര്‍ മേഖലയിലെ നിയമങ്ങളും അവിടത്തെ നിയമനിര്‍മ്മാണങ്ങളും ഇന്ത്യയുടെ മാത്രം വിഷയമാണെന്നും ഇന്ത്യ യു.എന്നില്‍ ഇന്നലെ വ്യക്തമാക്കി.

‘പാകിസ്താനെന്നും സമാധാനത്തിന്റെ മാര്‍ഗ്ഗം മുന്നോട്ട് വയ്‌ക്കുന്നവരാണ്. എന്നാല്‍ 2019 ആഗസ്റ്റ് 5 മുതല്‍ ഇന്ത്യ നടപ്പാക്കിയ ജമ്മുകശ്മീരിലെ നിയമങ്ങളും പട്ടാള നടപടികളും പ്രദേശത്തെ മനുഷ്യാവകാശങ്ങളെ ലംഘിച്ചിരിക്കുകയാണെന്ന വിമര്‍ശനമാണ് ഇമ്രാന്‍ ഖാന്‍ നടത്തിയത്.