റിയാദ്: സൗദി അറേബ്യയുടെ വിവിധ ഭാഗങ്ങള്‍ ലക്ഷ്യമിട്ടെത്തിയ നാല് ഡ്രോണുകള്‍ ആകാശത്തുവെച്ച് തകര്‍ത്ത് സൗദി പ്രതിരോധസേന. തലസ്ഥാനമായ റിയാദ്, കിഴക്കന്‍ പ്രവിശ്യകള്‍, രാജ്യത്തിന്റെ തെക്കന്‍ മേഖല എന്നിവ ലക്ഷ്യമിട്ട് എത്തിയ ഡ്രോണുകളാണ് സൈന്യം തകര്‍ത്തത്. ഇതിനുപുറമെ യെമനിലെ സഅദ ഗവര്‍ണറേറ്റില്‍ ഹൂതി വിമതരുടെ രണ്ട് ബാലിസ്റ്റിക് മിസൈല്‍ വിക്ഷേപണ കേന്ദ്രങ്ങള്‍ സൗദിയുടെ നേതൃത്വത്തിലുള്ള സഖ്യസേന തകര്‍ത്തതായും റിപ്പോര്‍ട്ടുകളുണ്ട്. കഴിഞ്ഞ 24 മണിക്കൂറിനിടെ ഹൂതികളെ ലക്ഷ്യമിട്ട് 1,417 ആക്രമണങ്ങള്‍ നടത്തിയതായി യെമന്‍ സൈന്യവും അറിയിച്ചു.
കഴിഞ്ഞയാഴ്ച റിയാദ് അന്താരാഷ്‌ട്ര വിമാനത്താവളത്തിന് നേരെയുണ്ടായ വന്‍ ആക്രമണത്തില്‍ 13 പേര്‍ കൊല്ലപ്പെട്ടിരുന്നു. കടലിലും സുരക്ഷാ ഭീഷണി രൂക്ഷമായി തുടരുകയാണ്. സൗദിയിലെ അല്‍ ജുബൈലിന് വടക്കുകിഴക്കായി അജ്ഞാത മിസൈല്‍ പതിച്ചതിനെത്തുടര്‍ന്ന് ഒരു എണ്ണ ടാങ്കറിന് കേടുപാടുകള്‍ സംഭവിച്ചു. ഹോര്‍മുസ് കടലിടുക്കില്‍ മൈനുകളില്‍ തട്ടി രണ്ട് എണ്ണക്കപ്പലുകള്‍ക്ക് തീപിടിച്ചതായി ഇറാന്റെ റെവല്യൂഷണറി ഗാര്‍ഡ്സ് അറിയിച്ചു. അതേസമയം, സൗദിയും ഹൂതികളും തമ്മിലുള്ള പ്രശ്‌നം പരിഹരിക്കാനുള്ള ചര്‍ച്ചകളെ പിന്തുണയ്‌ക്കുമെന്ന് ഇറാന്‍ വിദേശകാര്യ മന്ത്രി അബ്ബാസ് അരാഗ്ചി ബാഗ്ദാദില്‍ നടന്ന ഒ.ഐ.സി യോഗത്തില്‍ വ്യക്തമാക്കി.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
സംഘര്‍ഷത്തിന്റെ പശ്ചാത്തലത്തില്‍ സൗദിയിലേക്കുള്ള വിമാന സര്‍വീസുകള്‍ ആഗോളതലത്തില്‍ നിര്‍ത്തിവെച്ചിരിക്കുകയാണ്. ഇതിനിടെ, യുദ്ധത്തെത്തുടര്‍ന്ന് ആഗോളതലത്തില്‍ ഇന്ധനവില ഉയരുന്നത് നിയന്ത്രിക്കാനുള്ള നീക്കവുമായി അമേരിക്ക രംഗത്തെത്തി. തന്ത്രപ്രധാനമായ പെട്രോളിയം ശേഖരത്തില്‍നിന്ന് 1.7 കോടി ബാരല്‍ ക്രൂഡ് ഓയില്‍ കൂടി വിപണിയിലെത്തിക്കാനുള്ള നടപടികള്‍ അമേരിക്ക ആരംഭിച്ചു. യുഎസ്ഇറാന്‍ സംഘര്‍ഷം ആരംഭിച്ചതിനുശേഷം ഇതുവരെ 13.25 കോടി ബാരല്‍ എണ്ണ അമേരിക്ക വിപണിയിലിറക്കിയതായാണ് റിപ്പോര്‍ട്ട്.
