ടെഹ്‌റാന്‍: ഹോര്‍മുസ് കടലിടുക്ക് കടക്കാന്‍ ശ്രമിക്കുന്നതിനിടെ നാവിക മൈനില്‍ പൊട്ടിത്തെറിയുണ്ടായി വന്‍ എണ്ണക്കപ്പലിന് തീപിടിച്ചതായി ഇറാന്റെ ഇസ്ലാമിക് റെവല്യൂഷണറി ഗാര്‍ഡ് കോര്‍പ്‌സ് (ഐആര്‍ജിസി) അറിയിച്ചു. 20 ലക്ഷത്തിലധികം ബാരല്‍ ക്രൂഡ് ഓയിലുമായി സഞ്ചരിച്ചിരുന്ന ടാങ്കറാണ് അപകടത്തില്‍പ്പെട്ടതെന്നാണ് ഇറാന്റെ അവകാശവാദം. ഇറാന്റെ അനുമതിയില്ലാത്ത പാതയിലൂടെയാണ് കപ്പല്‍ സഞ്ചരിച്ചതെന്നും നിയമവിരുദ്ധമായി ഹോര്‍മുസ് കടക്കാന്‍ ശ്രമിക്കുകയായിരുന്നുവെന്നും ഇറാന്റെ ഔദ്യോഗിക മാധ്യമമായ പ്രസ് ടിവി റിപ്പോര്‍ട്ട് ചെയ്തു.
ഇറാന്റെ സമുദ്രകാര്യ അധികൃതരുടെ നിരീക്ഷണം ഒഴിവാക്കുന്നതിനായി ടാങ്കറിലെ സ്ഥാനം നിര്‍ണയിക്കാനുള്ള സംവിധാനം മനഃപൂര്‍വം ഓഫ് ചെയ്തിരുന്നുവെന്നാണ് ഐആര്‍ജിസിയുടെ ആരോപണം. സംഭവത്തെക്കുറിച്ചുള്ള കൂടുതല്‍ വിവരങ്ങള്‍ പുറത്തുവന്നിട്ടില്ല. ഹോര്‍മുസ് കടലിടുക്ക് ഉപയോഗിക്കുന്നതിനെതിരെ കപ്പലുകള്‍ക്ക് ഐആര്‍ജിസി മുന്നറിയിപ്പ് നല്‍കിയതായും റിപ്പോര്‍ട്ടുകളുണ്ട്. ഇറാന്റെ പരമാധികാരപരമായ തീരുമാനങ്ങള്‍ക്കും സമുദ്രനിയമങ്ങള്‍ക്കും കീഴില്‍ കടലിടുക്ക് അടച്ചിട്ടിരിക്കുകയാണെന്നാണ് ഐആര്‍ജിസിയുടെ നിലപാട്.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
എണ്ണക്കപ്പലിന്റെ പേര്, അപകടത്തില്‍പ്പെട്ട ജീവനക്കാരുടെ വിവരങ്ങള്‍, നാശനഷ്ടങ്ങളുടെ വ്യാപ്തി എന്നിവ സംബന്ധിച്ച ഔദ്യോഗിക സ്ഥിരീകരണം ലഭ്യമായിട്ടില്ല.
