കൊറോണ എന്ന മഹാമാരിയെ തുടർന്ന് കുറെ മാസങ്ങളായി സിനിമാലോകം നിശ്ചലമാണ് . എന്നിരുന്നാലും 2020 ന്റെ തുടക്കത്തിൽ ഇറങ്ങിയ ഒരുപിടി ചിത്രങ്ങൾ ബോക്സ് ഓഫീസിൽ വൻ വിജയവും പ്രേക്ഷക പ്രശംസ ഏറ്റുവാങ്ങിയവയുമാണ് .
1 . അഞ്ചാം പാതിര
2020 ജനുവരിയിൽ തീയേറ്ററുകളിൽ എത്തിയ അഞ്ചാം പാതിര ബോക്സ് ഓഫീസിൽ വൻ വിജയമാണ് നേടിയത് . മിഥുൻ മാനുവൽ തോമസ് തിരക്കഥയും സംവിധാനവും നിർവഹിച്ച അഞ്ചാം പാതിര ഒരു പക്ക ക്രൈം ത്രില്ലർ സിനിമയായിരുന്നു . കുഞ്ചാക്കോ ബോബൻ , ഷറഫുദീൻ, ശ്രീനാഥ് ഭാസി എന്നിവർ പ്രധാന വേഷത്തിൽ എത്തിയ സിനിമ ഓരോ നിമിഷവും പ്രേക്ഷകരെ ആകാംക്ഷയുടെ മുൾമുനയിൽ നിർത്തിയ ചിത്രമായിരുന്നു .
2 . ഷൈലോക്ക്
മെഗാസ്റ്റാർ മമ്മൂട്ടി “ബോസ് ” എന്ന കഥാപാത്രമായി എത്തിയ ചിത്രമായിരുന്നു 2020 ജനുവരിയിൽ തീയേറ്ററുകളിൽ എത്തിയ ഷൈലോക്ക് . അജയ് വാസുദേവ് സംവിധാനം ചെയ്ത ഷൈലോക്ക് ഒരു ആക്ഷൻ , കോമഡി , ത്രില്ലർ ചിത്രമായിരുന്നു . സിനിമ നിർമ്മാതാക്കൾക്ക് പണം പലിശക്ക് കൊടുക്കുന്ന കൊള്ളപലിശക്കാരനായിട്ടായിരുന്നു മമ്മൂട്ടി ഈ ചിത്രത്തിൽ എത്തിയത് . കലാഭവൻ ഷാജോൺ , സിദ്ധിഖ് , മീന , ബൈജു എന്നിവരും ശ്രദ്ധേയമായ കഥാപാത്രങ്ങൾ അവതരിപ്പിച്ച ചിത്രം കൂടിയായിരുന്നു ഷൈലോക്ക് .
3 . അയ്യപ്പനും കോശിയും
അന്തരിച്ച കലാകാരൻ സച്ചി തിരക്കഥയും സംവിധാനവും നിർവഹിച്ച ആക്ഷൻ ത്രില്ലർ ചിത്രമായിരുന്നു 2020 ഫെബ്രുവരിയിൽ പുറത്തിറങ്ങിയ അയ്യപ്പനും കോശിയും . പൃഥ്‌വി രാജ് , ബിജു മേനോൻ എന്നിവർ അയ്യപ്പനും കോശിയുമായി എത്തിയ ചിത്രം ബോക്സ് ഓഫീസിൽ വിജയം കൈവരിച്ച ചിത്രമായിരുന്നു . രണ്ട് വ്യക്തികൾ തമ്മിൽ ഉണ്ടായ വളരെ നിസ്സാരമായ ഒരു പ്രശ്‌നം കുടിപ്പകയായി മാറുന്ന കഥയിലൂടെയാണ് ചിത്രം സഞ്ചരിച്ചിരിക്കുന്നത് .
4 . വരനെ ആവശ്യമുണ്ട്
വർഷങ്ങൾക്ക് ശേഷം സുരേഷ് ഗോപിയും ശോഭനയും ഒരുമിച്ചെത്തിയ ഒരു ഫാമിലി എന്റെർറ്റൈനെർ ആയിരുന്നു അനൂപ് സത്യൻ തിരക്കഥയും സംവിധാനവും നിർവഹിച്ച വരനെ ആവശ്യമുണ്ട് എന്ന ചിത്രം . ദുൽക്കർ സൽമാൻ , കല്യാണി പ്രിയദർശൻ എന്നിവർ ശ്രദ്ധേയമായ മറ്റ് കേന്ദ്രകഥാപാത്രങ്ങളെ അവതരിപ്പിച്ച വരനെ ആവശ്യമുണ്ട് എന്ന ചിത്രം ബോക്സ് ഓഫീസിൽ വിജയം കൈവരിച്ച മറ്റൊരു ചിത്രമാണ് .
5 . കപ്പേള
മുഹമ്മദ് മുസ്തഫ തിരക്കഥയും സംവിധാനവും നിർവഹിച്ച റൊമാന്റിക് ചിത്രമായിരുന്നു 2020 മാർച്ചിൽ പുറത്തിറങ്ങിയ കപ്പേള . അന്ന ബെൻ , ശ്രീനാഥ് ഭാസി , റോഷൻ മാത്യു എന്നിവർ കേന്ദ്രകഥാപാത്രങ്ങൾ ആയി എത്തിയ ചിത്രം കുറച്ചു നാളുകൾ മാത്രമേ തീയേറ്ററുകളിൽ പ്രദർശിപ്പിക്കുവാൻ സാധിച്ചുള്ളൂ എങ്കിലും ബോക്സ് ഓഫീസിൽ വിജയം കൈവരിച്ച ചിത്രം തന്നെയായിരുന്നു കപ്പേള .
