മുഖസൗന്ദര്യത്തിനും ത്വക്ക് സംരക്ഷണത്തിനും വേണ്ടി കുറെയധികം സമയവും പണവും ചിലവഴിക്കുന്ന നിരവധി പേർ നമുക്കിടയിലുണ്ട്. എന്നാൽ പരീക്ഷിക്കുന്ന പലതും ഗുണം നല്കാത്തതും ആയിരിക്കും. ഈ സന്ദർഭങ്ങളിൽ എന്തുകൊണ്ട് അങ്ങനെ സംഭവിക്കുന്നു എന്ന് ചിന്തിക്കുന്നതിന് പകരം പുതിയ പരീക്ഷണങ്ങളെ തേടി പോവുകയാണ് നാം. പുതിയ പരിഹാരങ്ങൾക്ക് പിറകെ പോകാതെ അതിനുള്ള കാരണം കണ്ടെത്തുകയാണ് വേണ്ടത്.
എന്തുകൊണ്ട് ചില പരീക്ഷണങ്ങൾ നമ്മുടെ ത്വക്ക് തിളങ്ങാൻ കാരണമാകുന്നില്ല എന്ന് പരിശോധിക്കാം.
1. ഹോർമോൺ പ്രശ്നങ്ങൾ ഒരു കാരണമാണ്. കാലാവസ്ഥ, മാനസിക പ്രശ്നങ്ങൾ എന്നിവ ഹോർമോൺ വ്യതിയാനത്തിന് കാരണമാകും.
2. ഒരേ വസ്തു തന്നെ ഉപയോഗിക്കുമ്പോൾ നമ്മുടെ ത്വക്ക് അതിനോട് പൊരുത്തപ്പെടും. അതിനാൽ ഒരേ വസ്തു തന്നെ ഉപയോഗിക്കുന്നതിന് പകരം നിങ്ങളുടെ ചർമ്മത്തിന് ദോഷം ചെയ്യാത്ത മറ്റ് വസ്തുക്കളും ഉപയോഗിക്കാൻ ശ്രമിക്കുക.
3. ശരിയായ രീതിയിൽ വസ്തുക്കൾ ഉപയോഗിക്കാത്തതും ചർമ്മത്തെ ബാധിക്കും. കൂടുതലായി അവ ചർമ്മത്തിൽ ഉപയോഗിക്കുന്നത് ഗുണത്തേക്കാളേറെ ദോഷമാണ് ഉണ്ടാക്കുക.
4. കെമിക്കൽ ഉൽപ്പന്നങ്ങൾ ഉപയോഗിക്കുന്നതിന് പകരം പ്രകൃതിദത്തമായതോ വീടുകളിൽ നിർമ്മിച്ചതോ ആയ വസ്തുക്കൾ ഉപയോഗിക്കുക.
5. മുഖത്ത് വസ്തുക്കൾ പുരട്ടുന്നതിനോടൊപ്പം ഒഴിച്ചുകൂടാൻ പാടില്ലാത്ത ചില കാര്യങ്ങൾ കൂടിയുണ്ട്. രാവിലെയും വൈകുന്നേരവും മുഖം വൃത്തിയാക്കുക, മോയ്സ്ചറൈസിംഗ് ചെയ്യുക എന്നിവയാണ് അവ.
6. നിശ്ചിത ഇടവേളകൾക്ക് ശേഷം മാത്രം മുഖത്ത് വ്യത്യസ്ത വസ്തുക്കൾ ഉപയോഗിക്കുക.
ഇങ്ങനെ ശ്രദ്ധിച്ചതിന് ശേഷവും ചർമ്മത്തിന്റെ ആരോഗ്യം ശരിയാകുന്നില്ല എന്നുള്ള അവസരത്തിൽ ഡോക്ടറെ കാണുക. നമ്മുടെ ശരീരത്തിലെ പഞ്ചേന്ദ്രിയങ്ങളിൽ ഒന്നായ ത്വക്കിന് എപ്പോഴും സംരക്ഷണവും പരിപാലനവും നൽകേണ്ടതാണ്. വിവിധ കമ്പനികൾ വിപണിയിൽ ഇറക്കുന്ന വസ്തുക്കളുടെ പരീക്ഷണ ശാലയായി ഒരിക്കലും നമ്മുടെ ചർമ്മത്തെ കണക്കാക്കരുത്.
Comments