ജനീവ: കൊറോണ പ്രതിരോധ വാക്സിൻ ഈ വർഷ അവസാനത്തോടെ തയ്യാറാകുമെന്ന് ലോകാരോഗ്യ സംഘടന. ലോകാരോഗ്യ സംഘടനാ മേധാവി അഥനോം ഗെബ്രിയാസിസാണ് ഇക്കാര്യം അറിയിച്ചത്. ഡബ്ല്യൂ എച്ച് ഒ എക്സിക്യൂട്ടീവ് യോഗത്തെ അഭിസംബോധന ചെയ്യവെയാണ് അഥനോം ഗെബ്രിയാസിസ് ഇക്കാര്യം വ്യക്തമാക്കിയത്. രണ്ടു ദിവസമായി നടക്കുകയായിരുന്ന ഡബ്ല്യൂ എച്ച് ഒ എക്സിക്യൂട്ടീവ് യോഗത്തിന്റെ അവസാന ദിനമായിരുന്നു ഇന്ന്.
കൊറോണ വൈറസ് ബാധ എന്ന മഹാമാരിയെ പ്രതിരോധിക്കാനായി നമുക്ക് വാക്സിൻ ആവശ്യമാണ്. ഈ വർഷം അവസാനത്തോടെ കൊറോണ പ്രതിരോധ വാക്സിൻ ലഭിക്കുമെന്ന പ്രതീക്ഷയുണ്ടെന്ന് അദ്ദേഹം പറഞ്ഞു. ഒൻപതോളം വാക്സിനുകളുടെ വികസന പരീക്ഷണ പ്രക്രിയകൾ നടന്നുകൊണ്ടിരിക്കുകയാണ്. 2021 അവസാനത്തോടെ 200 കോടി ഡോസുകൾ വിതരണം ചെയ്യാനാണ് ലോകാരോഗ്യ സംഘടന നേതൃത്വം നൽകുന്ന കോവാക്സ് ലക്ഷ്യമിടുന്നത്.
Comments