പ്രായം കൂടുന്നതിന് അനുസരിച്ച് ചർമ്മത്തിലും മാറ്റങ്ങൾ ഉണ്ടാകും. എന്നാൽ ഈ മാറ്റങ്ങൾ ഇല്ലാതാക്കാൻ പലരും വിവിധ തരത്തിലുള്ള ക്രീമുകളും ഓയിലുകളും മുഖത്ത് പരീക്ഷിക്കും. 40 വയസ്സ് കഴിഞ്ഞവർക്ക് ഉള്ള ചില സിംപിൾ ടിപ്സ് നോക്കാം.
എല്ലാവരുടെയും ചർമ്മം ഒരുപോലെ ആവണം എന്നില്ല. അതിനാൽ തന്നെ ചർമ്മത്തിന്റെ സ്വഭാവം അനുസരിച്ച് വേണം സൗന്ദര്യ വർധക വസ്തുക്കൾ തിരഞ്ഞെടുക്കാൻ
ചർമ്മത്തിന്റെ സ്വഭാവമനുസരിച്ചുള്ള സ്ക്രബ്ബർ തിരഞ്ഞെടുക്കുക. വരണ്ട ചർമ്മങ്ങൾക്ക് ക്രീം പോലെയുള്ള സ്ക്രബ്ബറുകൾ തിരഞ്ഞെടുക്കുക. എണ്ണമയമുള്ള ചർമ്മങ്ങൾക്ക് ജെൽ പോലെയുള്ള സ്ക്രബ്ബറുകളും ആണ് അത്യുത്തമം.
പ്രായമാകുന്തോറും ചർമ്മത്തിലെ ജലാംശം നഷ്ടപ്പെടാൻ തുടങ്ങുകയും വരണ്ടുണങ്ങാൻ തുടങ്ങുകയും ചെയ്യുന്നു. അതിനാൽ ജലാംശം നിലനിർത്തുന്നതിനായി മോയ്സ്ചറൈസിംഗ് ക്രീമുകൾ ഉപയോഗിക്കുക.
പ്രായമാകുന്നവരുടെ ചർമ്മങ്ങളിൽ പൊതുവെ കണ്ടുവരുന്നതാണ് മുഖക്കുരുവിന്റെ പാടുകൾ, നിറവ്യത്യാസം, കറുത്ത പാടുകൾ എന്നിവ. വിറ്റാമിൻ സി അടങ്ങിയിട്ടുള്ള ഡാർക്ക് സ്പോട്ട് കറക്ടർ പോലെയുള്ളവ ഉപയോഗിക്കുക.
40 വയസ്സ് കഴിഞ്ഞവർ തീർച്ചയായും ഉപയോഗിക്കേണ്ട മറ്റൊരു വസ്തുവാണ് സൺസ്ക്രീൻ. SPF 30 ക്ക് മുകളിലുള്ള സൺസ്ക്രീനുകൾ ആണ് ഉപയോഗിക്കേണ്ടത്. സൺസ്ക്രീനിൽ അടങ്ങിയിട്ടുള്ള സിങ്ക് ഓക്സൈഡ് സൂര്യനിൽ നിന്നുള്ള ഹാനികരമായ രശ്മികളിൽ നിന്നും ചർമ്മത്തെ സംരക്ഷിക്കുന്നു.
വെള്ളം നന്നായി കുടിക്കുക. കൂടാതെ ഭക്ഷണ കാര്യങ്ങളിലും ശ്രദ്ധ പുലർത്തുക. പഴങ്ങൾ, പച്ചക്കറികൾ എന്നിവ ചർമ്മ സൗന്ദര്യത്തിന് വളരെയധികം അത്യാവശ്യമാണ്.
പ്രായമാകുന്തോറും ചർമ്മത്തിലെ എണ്ണ ഉൽപ്പാദന ഗ്രന്ഥികൾ പ്രവർത്തനരഹിതമായി തുടങ്ങും. ഈയവസരത്തിൽ എണ്ണമയമുള്ള മോയ്സ്ചറൈസിംഗ് ക്രീമുകൾ ഉപയോഗിക്കാൻ ശ്രമിക്കുക.
കണ്ണിന് ചുറ്റും കറുപ്പ് നിറം ഉണ്ടാകുന്നതും ചർമ്മം ഉണങ്ങുന്നതും പ്രായമാകുന്നതിന്റെ ലക്ഷണം ആണ്. അതിനാൽ കണ്ണിന് ചുറ്റും പുരട്ടുവാനായി ഐ ജെൽ അല്ലെങ്കിൽ ക്രീമുകൾ ഉപയോഗിക്കുക. ഉറങ്ങുന്നതിന് മുന്നേ പുരട്ടുന്നത് നന്ന്.
Comments