പാൽ അലർജിക്ക് കാരണമാകുന്നുണ്ടോ ? എങ്കിൽ ഇതാ പകരം കഴിക്കാവുന്ന ചില വസ്തുക്കൾ

നിരവധി ആളുകളുടെ ഭക്ഷണക്രമത്തിൽ പശുവിൻ പാൽ ഒരു പ്രധാന ഭക്ഷണമായി കണക്കാക്കപ്പെടുന്നു. പാൽ ഒരു പാനീയമായോ അല്ലെങ്കിൽ ചായയിലോ കാപ്പിയിലോ ഒഴിച്ച് കഴിക്കുന്നത് ഒരു ശീലം തന്നെയാണ് .പലർക്കും ഇത് ഒരു ഇഷ്ട വിഭവമാണെങ്കിലും , വ്യക്തിപരമായ മുൻഗണനകൾ, ഭക്ഷണ നിയന്ത്രണങ്ങൾ, അലർജികൾ  എന്നിവ കാരണം ചില ആളുകൾക്ക് പാൽ തങ്ങളുടെ ഭക്ഷണക്രമത്തിൽ ഉൾപെടുത്താൻ സാധിക്കാറില്ല .

പാൽ കഴിക്കാൻ ആഗ്രഹിക്കാത്തവർ എന്ത് കൊണ്ട് പകരമായി ഒരു ഭക്ഷണം  ഉൾപ്പെടുത്തണം എന്ന് പറയുന്നതെന്ന് വെച്ചാൽ , പാൽ ഒരു സമീകൃത ആഹാരമാണ് . നമ്മുടെ ശരീരത്തിന് ആവശ്യമുള്ള പല ധാതുക്കളും പാലിൽ അടങ്ങിയിരിക്കുന്നു . അപ്പോൾ നമ്മുടെ ഭക്ഷണക്രമത്തിൽ നിന്ന് പാൽ ഒഴിവാക്കപ്പെടുമ്പോൾ നഷ്ടപ്പെടുന്നത് ശരീരത്തിന് ആവശ്യമുള്ള പോഷകങ്ങൾ കൂടിയാണ് .

അതിനാൽ തന്നെ എന്തെങ്കിലും കാരണങ്ങൾ കൊണ്ട് നിങ്ങൾ പാൽ ഒഴിവാക്കാൻ ആഗ്രഹിക്കുന്നുണ്ടെങ്കിൽ , പകരമായി കഴിക്കാവുന്ന ധാരാളം വസ്തുക്കൾ ലഭ്യമാണ് എന്നുള്ളത് ഗുണവും അതുപോലെ തന്നെ ഭാഗ്യവുമാണ് . പാലിനോളം വരില്ലെങ്കിലും താഴെ പറയുന്നവ പാലിന്റെ കുറവ് നികത്താൻ കഴിവുള്ളവയാണ്

1 . സോയ മിൽക്ക്

സോയാബീൻ അല്ലെങ്കിൽ സോയ പ്രോട്ടീൻ ഇൻസുലേറ്റ് ഉപയോഗിച്ചാണ് സോയ പാൽ നിർമ്മിക്കുന്നത്, പലപ്പോഴും രുചിയും സ്ഥിരതയും മെച്ചപ്പെടുത്തുന്നതിന് സസ്യ എണ്ണകളും ഇതിൽ ചേർക്കാറുണ്ട് . സോയ മിൽക്കിന് സാധാരണയായി ക്രീമിന്റെ സ്വാദാണുള്ളത് . കാപ്പിയിലോ , പാൽ ഉപയോഗിച്ചുണ്ടാക്കുന്ന ഭക്ഷണങ്ങളിലോ പാലിന് പകരം സോയ മിൽക്ക് ഉപയോഗിക്കാവുന്നതാണ് .

2 . ബദാം മിൽക്ക്

ബദാം മിൽക്ക് ബദാം അല്ലെങ്കിൽ ബദാം വെണ്ണയും വെള്ളവും ഉപയോഗിച്ചാണ് ഉണ്ടാക്കുന്നത് . ബദാമിന്റെ രുചിയുള്ള പാലിൽ കൊഴുപ്പ് , കാർബോഹൈഡ്രേറ്റ്സ്  , കലോറി എന്നിവ കുറവാണ് . ചായയിലോ , കാപ്പിയിലോ , ഐസ്ക്രീം തുടങ്ങിയ ഉത്പന്നങ്ങളിലോ പാലിന് പകരം ബദാം മിൽക്ക് ഉപയോഗിക്കാവുന്നതാണ് .

3 . തേങ്ങ പാൽ

തേങ്ങ ചിരകിയത് വെള്ളവും ചേർത്ത് നന്നായി അരച്ച് പിഴിഞ്ഞെടുക്കുന്ന ഒന്നാണ് തേങ്ങ പാൽ . മിക്കവാറും പായസം , സ്‌റ്റു തുടങ്ങിയവയിൽ തേങ്ങ പാലാണ് ഒഴിക്കാറുള്ളത് .

4 . ഓട്സ് മിൽക്ക്

ഓട്സും വെള്ളവും ചേർത്താണ് ഓട്സ് മിൽക്ക് ഉണ്ടാക്കുന്നത് . ചെറിയ മധുരമാണ് ഓട്സ് മിൽക്കിനുള്ളത് .ഓട്സ് മിൽക്കിൽ ധാരാളം പ്രോട്ടീനും , നാരുകളും അടങ്ങിയിരിക്കുന്നതിനാൽ രക്തത്തിലെ കൊളസ്‌ട്രോളിന്റെയും പഞ്ചസാരയുടെയും അളവ് നിയന്ത്രിക്കാൻ സഹായിക്കും .

5 . റൈസ് മിൽക്ക്

തവിട്ട് അരി, വെള്ളം എന്നിവയിൽ നിന്നാണ് റൈസ് മിൽക്ക് നിർമ്മിക്കുന്നത്. റൈസ് മിൽക്കിന് സ്വാഭാവികമായ മധുര രസം ആണുള്ളത് . മധുരപലഹാരങ്ങളിൽ ഒഴിച്ചോ ഓട്സിൽ ചേർത്തോ റൈസ് മിൽക്ക് കഴിക്കാവുന്നതാണ് .