കഴിഞ്ഞ രണ്ടു വർഷക്കാലമായി നിവിൻ പോളി പക്ക എൻറ്റർടെയ്നർ ചിത്രങ്ങളിൽ നിന്ന് അല്പം വ്യതിചലിച്ച് ശക്തമായ കഥാപാത്രങ്ങൾ പ്രേക്ഷകർക്ക് മുന്നിൽ അവതരിപ്പിക്കുകയാണുണ്ടായത് .കായംകുളം കൊച്ചുണ്ണി , ഹേ ജൂഡ് , മൂത്തോൻ തുടങ്ങിയ ചിത്രങ്ങൾ അതിനുള്ള തെളിവുകൾ ആയിരുന്നു .
വരാനിരിക്കുന്ന വർഷം പുറത്തിറങ്ങാൻ തയ്യാറെടുക്കുന്ന നിവിൻ പോളി ചിത്രങ്ങളിൽ എൻറ്റർടെയ്നർ ചിത്രങ്ങളും അതുപോലെ തന്നെ ശക്തമായി കഥ പറയുന്ന ചിത്രങ്ങളും ഉൾപ്പെടുന്നു . ഒരു നടൻ എന്ന നിലയിൽ നിവിൻ പോളിയുടെ കഴിവുകൾ എല്ലാം തന്നെ കോർത്തിണക്കിയ ചിത്രങ്ങൾ ആയിരിക്കും പ്രേക്ഷകർക്ക് മുന്നിലേക്കെത്തുക .
ഏറെ പ്രതീക്ഷയോടെ ആരാധകർ കാത്തിരിക്കുന്ന നിവിൻ പോളി ചിത്രങ്ങൾ ഇവയൊക്കെയാണ്
1 . തുറമുഖം
രാജീവ് രവി സംവിധാനം നിർവഹിച്ചു മട്ടാഞ്ചേരി കേന്ദ്രീകരിച്ചു ചിത്രീകരണം നടത്തിയ ചിത്രമാണ് തുറമുഖം . നിവിൻ പോളി മൊയ്ദു എന്ന കഥാപാത്രത്തെ അവതരിപ്പിക്കുന്ന ഈ ചിത്രം നാൽപതു അൻപത് കാലഘട്ടങ്ങളിലൂടെയാണ് സഞ്ചരിക്കുന്നത് . ചിത്രത്തിൽ നിവിൻ പോളിക്കൊപ്പം ഇന്ദ്രജിത് , നിമിഷ സജയൻ , ജോജു ജോർജ് എന്നിവർ അണി നിരക്കുന്നു .
2 . പടവെട്ട്
ഈ ചിത്രത്തിന് വേണ്ടി നിവിൻ പോളി വണ്ണം കൂട്ടുകയും കുറക്കുകയും ചെയ്തിരുന്നു . ലിജു കൃഷ്ണൻ സംവിധാനം ചെയ്യുന്ന ഈ ചിത്രത്തിൽ നിവിൻ പോളിക്കൊപ്പം മഞ്ജു വാരിയരും ഒരു പ്രധാന വേഷത്തിൽ എത്തുന്നു .
3 . ബിസ്മി സ്പെഷ്യൽ
നിവിൻ പോളിയും ഐശ്വര്യ ലക്ഷ്മിയും ഒരുമിച്ചെത്തുന്ന ബിസ്മി സ്പെഷ്യൽ സംവിധാനം നിർവഹിച്ചിരിക്കുന്നത് രാജേഷ് രവിയാണ് . റൊമാന്റിക് ചിത്രത്തിന്റെ ഗണത്തിൽ പെടുത്താവുന്ന ഈ ചിത്രവും മട്ടാഞ്ചേരി കേന്ദ്രീകരിച്ചാണ് ചിത്രീകരണം നടത്തിയിരിക്കുന്നത് .
4 . ഗ്യാങ്സ്റ്റർ ഓഫ് മുണ്ടൻമല
അനീഷ് രാജശേഖരൻ , റോണി എന്നിവരുടെ തിരക്കഥയിൽ നവാഗത സംവിധായകൻ ആയ റോണി മാനുവൽ ജോസഫ് സംവിധാനം ചെയ്യുന്ന നിവിൻ പോളിയുടെ ആക്ഷൻ ചിത്രമാണ് ഗ്യാങ്സ്റ്റർ ഓഫ് മുണ്ടൻമല .
Comments