തിരുവനന്തപുരം: ഹിമാചലി ഗാനംപാടി രാജ്യത്തിന്റെ ശ്രദ്ധ പിടിച്ചുപറ്റിയ തിരുവനന്തപുരം സ്വദേശി എസ്.എസ്. ദേവികയെ ഗവര്‍ണര്‍ ആരിഫ് മുഹമ്മദ് അഭിനന്ദിച്ചു. രാജ്ഭവനിലേക്ക് നേരിട്ട് ക്ഷണിച്ചായിരുന്നു ഗവർണ്ണർ കൊച്ചുമിടുക്കി ദേവികയെ അഭിനന്ദിച്ചത്. പാട്ട് നേരിട്ട് ആസ്വദിച്ച ഗവര്‍ണറും ഭാര്യയും ഉപഹാരങ്ങളും നല്‍കിയാണ് ദേവികയെ മടക്കിയയച്ചത്.
ഹിമാചലി ഗാനം ആലപിച്ച് ദേവികയെ പ്രധാനമന്ത്രി നരേന്ദ്രമോദിയുടെ ഉൾപ്പെടെ അഭിനന്ദിച്ചിരുന്നു.ഏക് ഭാരത് ശ്രേഷ്ഠ് ഭാരത്’ പദ്ധതിയുടെ ഭാഗമായി ‘ചംപാ കിത്തനി ദൂർ’ എന്ന ഹിമാചലി നാടോടി ഗാനം ആലപിച്ചാണ് ദേവിക ദേശീയതലത്തിൽ ശ്രദ്ധയാകർഷിച്ചത്. പാട്ട് ഞൊടിയിടയിൽ വൈറലായതോടെ ഹിമാചൽപ്രദേശ് മുഖ്യമന്ത്രി ജയ്റാം ഠാക്കുർ കൊച്ചു ഗായികയെ പ്രശംസിക്കുകയും ഹിമാചൽപ്രദേശിലേയ്‌ക്കു ക്ഷണിക്കുകയും ചെയ്തു. ‘കേരളത്തിന്റെ പുത്രി’ എന്നാണ് അദ്ദേഹം ദേവികയെ അഭിസംബോധന ചെയ്തത്. തൊട്ടു പിന്നാലെ പ്രധാനമന്ത്രി നരേന്ദ്രമോദിയുടെ പ്രശംസയും ദേവികയെ തേടിയെത്തി. പട്ടം കേന്ദ്രീയവിദ്യാലയത്തിലെ ഒൻപതാം ക്ലാസ്സ് വിദ്യാർത്ഥിനിയാണ് ദേവിക.
