വീടുകളില് എപ്പോഴും ഉണ്ടായിരിക്കുന്ന ഒരു സാധനമാണ് കോഴിമുട്ട. വീട്ടില് ഉണ്ടാക്കുന്ന വിവിധ പലഹാരങ്ങളില് കോഴിമുട്ടയുടെ ആവശ്യം ചെറുതല്ല. അതുകൊണ്ടു തന്നെ വീട്ടമ്മമാര് കടയില് നിന്നും സാധനം വാങ്ങുമ്പോള് കോഴിമുട്ട വാങ്ങിയ്ക്കാന് മറക്കാറില്ല. പണ്ടു കാലങ്ങളില് വീട്ടിലെ മുട്ട തന്നെയാണ് ഉപയോഗിച്ചിരുന്നത്. കടയില് നിന്ന് വാങ്ങുന്ന കോഴിമുട്ടയെക്കാള് എന്തുകൊണ്ടും ഗുണപ്രദമാണ് നാടന് മുട്ട. അന്നത്തെ കാലങ്ങളില് കോഴിയെ വീട്ടില് വളര്ത്താറുണ്ടായിരുന്നു. എന്നാല് ഇപ്പോഴത്തെ ജീവിത സാഹചര്യങ്ങളും സൗകര്യ കുറവും മൂലം ഇത്തരത്തില് ഉപകാരപ്രദമായവയെ വീട്ടില് വളര്ത്താന് സാധിക്കാതെ വരുന്നു.
അതുകൊണ്ടു തന്നെ നമ്മള് കടയില് നിന്നും കോഴിമുട്ട വാങ്ങിച്ച് വീട്ടില് കൊണ്ടു വന്നാല് അത് നല്ലതാണോ ചീത്തയാണോ അല്ലെങ്കില് കാലപ്പഴക്കം ഉണ്ടോ എന്നത് ശ്രദ്ധിക്കേണ്ടത് അത്യാവശ്യമാണ്. കാരണം മിക്ക വീടുകളിലും ഏറ്റവും അധികം ഉപയോഗിക്കപ്പെടുന്ന ഒരു ഭക്ഷണസാധനം കൂടിയാണ് കോഴിമുട്ട. മുട്ടയുടെ പഴക്കം തിരിച്ചറിയുന്നതിനായി ഒരു വഴിയുണ്ട് അതിനായി ഒരു പാത്രത്തില് വെള്ളമെടുത്ത ശേഷം മുട്ടകള് ഓരോന്നായി മെല്ലെ അതിലേക്ക് ഇട്ടു കൊടുക്കുക. ഏറ്റവും താഴെ കിടക്കുന്ന മുട്ടയായിരിക്കും നല്ലത്.
എന്നാല് വെള്ളത്തില് കുറച്ചു പൊങ്ങിയാണ് കോഴിമുട്ട കിടക്കുന്നതെങ്കില് അതിന് കാലപ്പഴക്കം ഉണ്ടെന്നു മനസിലാക്കാം. കൂടാതെ ഏറ്റവും മുകളിലായിട്ടാണ് മുട്ട കിടക്കുന്നതെങ്കില് അത് ഏറ്റവും പഴയതാണെന്ന് മനസ്സിലാക്കാം. ഏറ്റവും അടിയില് കിടക്കുന്ന കോഴിമുട്ട മാത്രമാണ് ഉപയോഗ യോഗ്യമായത്. കടയില് നിന്നും ലഭിക്കുന്ന കോഴിമുട്ട ദിവസങ്ങളോളം അവിടെ ഇരിക്കുകയും കാലാവസ്ഥ മാറ്റത്തിന് അനുസരിച്ച് പെട്ടെന്ന് ചീത്തയാകുകയും ചെയ്യുന്നു. അതുകൊണ്ട് തന്നെ ഇവ ഉപയോഗിക്കുന്നതിനു മുന്പ് ശ്രദ്ധിച്ചാല്, ഇതു വഴി ഉണ്ടാകുന്ന ആരോഗ്യ പ്രശ്നങ്ങള് ഒരു പരിധിവരെ ഒഴിവാക്കാം.
Comments