അടുത്ത കാലത്തായി നമുക്ക് ഒരിക്കലും ചിന്തിക്കാൻ പോലും സാധിക്കാത്ത ഭക്ഷ്യവസ്തുക്കൾ കൂട്ടിച്ചേർത്ത് ഉണ്ടാക്കുന്ന വിഭവങ്ങൾ ആണ് സമൂഹമാദ്ധ്യമങ്ങളിൽ നിറയുന്നത് . തികച്ചും വ്യത്യസ്തമായ രണ്ട് വസ്തുക്കൾ ചേർത്തുണ്ടാക്കുന്ന വിഭവങ്ങൾ ഇന്ന് ഒരു തരംഗം തന്നെയാണ് . അത്തരത്തിൽ തയ്യാറാക്കിയ ചില വിചിത്രമായ വിഭവങ്ങൾ ആണ് ചുവടെ ചേർക്കുന്നത് .
ന്യൂട്ടല്ല ബിരിയാണി
ലോകമെമ്പാടും ഉള്ള ആളുകൾക്ക് ഏറ്റവും പ്രിയപ്പെട്ട ഒരു വിഭവമാണ് ന്യൂട്ടല്ല . അതുപോലെ ഇന്ത്യക്കാരുടെ മനസ്സ് കവർന്ന വിഭവമാണ് ബിരിയാണി . ഇവ രണ്ടും ചേർത്ത് കൊണ്ട് ഒരു വിഭവം എന്നത് ചിന്തിക്കാൻ പോലും സാധ്യമല്ല . എന്നാൽ ഒരു വ്യക്തി ഇവ രണ്ടും ചേർത്ത് കൊണ്ട് ബിരിയാണി ഉണ്ടാക്കി എന്നുള്ളത് വാസ്തവമായ കാര്യമാണ് .
റോസാപ്പൂവിന്റെ ഇതളുകൾ ഇട്ട മാഗ്ഗി
നല്ല മഴയുള്ള സമയത്ത് ഒരു ബൗൾ ചൂട് മാഗ്ഗി കിട്ടിയാൽ എന്ത് സുഖമാണ് . മാഗ്ഗിയുടെ പലതരത്തിൽ ഉള്ള രുചികൾ ഇന്ന് വിപണിയിൽ ലഭ്യമാണ് . എന്നാൽ ഇതിൽ നിന്നെല്ലാം വ്യത്യസ്തമായി ഒരു വീട്ടമ്മ മധുരമുള്ള മാഗ്ഗി തയ്യാറാക്കുന്ന വീഡിയോ ആണ് ചർച്ച വിഷയമായിരിക്കുന്നത് . പാലിൽ മാഗ്ഗി ഇട്ടു തിളപ്പിച്ചതിന് ശേഷം ഇതിലേക്ക് റോസാപ്പൂവിന്റെ ഉണങ്ങിയ ഇതളുകൾ പൊടിച്ചു ചേർത്തതിന് ശേഷം മിൽക് മെയ്ഡ് കൂടി ചേർത്തുണ്ടാക്കുന്ന ഒന്നാണ് റോസാപ്പൂവിന്റെ ഇതളുകൾ ഉപയോഗിച്ച് ഉണ്ടാക്കിയ മാഗ്ഗി .
വടക്ക് പകരം ഗുലാബ് ജാമുൻ വെച്ച വട പാവ്
മഹാരാഷ്ട്രയിലെ പ്രശസ്തമായ വഴിയോര ഭക്ഷണമാണ് വട പാവ് . ചെറിയ ബൺ പോലുള്ള പാവ് നെയ്യ് ഉപയോഗിച്ച് മൊരിച്ചതിന് ശേഷം ഉരുളക്കിഴങ് ഉപയോഗിച്ച് ഉണ്ടാക്കിയ വട (കേരളത്തിൽ മസാല ബോണ്ട എന്ന് പറയും ) നടുവിൽ അല്പം ചാറ്റ് മസാലയും ചേർത്ത് ഉണ്ടാക്കുന്നതാണ് വട പാവ് . എന്നാൽ ഇവിടെയും വ്യത്യസ്ത ഉണ്ടാക്കിയിരിക്കുന്നു . മസാല വടക്ക് പകരം ഗുലാബ് ജാമുൻ ഉപയോഗിച്ചാണ് വട പാവ് ഉണ്ടാക്കിയിരിക്കുന്നത് .
ഓറിയോ ഐസ്ക്രീം സമോസ
സമോസ എന്ന് കേൾക്കുമ്പോൾ അല്പം എരിവുള്ള ഉരുളക്കിഴങ്ങു മസാല വെച്ച ഒന്നാണ് നമ്മുടെ മനസിലേക്ക് ആദ്യം ഓടി എത്തുക . എന്നാൽ ഓറിയോ ഐസ്ക്രീം ഉപയോഗിച്ചുണ്ടാക്കിയ സമോസ എങ്ങിനെ ഇരിക്കും എന്നാലോചിച്ചാലോ . അത്ഭുതം തോന്നുന്നു അല്ലെ. എന്നാൽ ഇതും ഇപ്പോൾ ലഭ്യമായ ഒരു വിഭവമാണ് .
Comments