2000 വർഷം പഴക്കമുള്ള പൂച്ചയുടെ ചിത്രം കണ്ടെത്തി പുരാവസ്തു ഗവേഷകർ. മലമുകളിൽ കൊത്തിവെച്ച കൂറ്റൻ പൂച്ചയുടെ ചിത്രമാണ് പുരാവസ്തു ഗവേഷകർ കണ്ടെത്തിയിരിക്കുന്നത്. പെറു മരുഭൂമിയിലെ കുന്നിൻ മുകളിലാണ് കൂറ്റൻ പൂച്ചക്കുട്ടിയുള്ളത്. 37 മീറ്ററാണ് മലമുകളിൽ കൊത്തിയെടുത്ത് ഈ പൂച്ചക്കുട്ടിയുടെ വിസ്തൃതി.
പാറക്കൂട്ടങ്ങൾ അടുക്കി വെച്ചാണ് കുന്നിൻ മുകളിൽ പൂച്ചക്കുട്ടിയുടെ രൂപം കൊത്തിയെടുത്തിരിക്കുന്നത്. പാരകാസ് കാലഘട്ടത്തിന്റെ അവസാനത്തോടെ ബി സി 200 നും ബി സി 100 നും ഇടയിലാണ് ചിത്രം നിർമ്മിക്കപ്പെട്ടിരിക്കുന്നതെന്നാണ് പുരാവസ്തു ഗവേഷകർ വിലയിരുത്തപ്പെടുന്നത്. മണ്ണൊലിപ്പിന്റെ ഫലമായി അപ്രത്യക്ഷമായിരുന്ന ചിത്രം പുനരുദ്ധാരണ പ്രവർത്തനങ്ങൾക്കിടയിലാണ് ശ്രദ്ധയിൽപ്പെടുന്നത്.
സഞ്ചാരികളെ ആകർഷിക്കാനായി കുന്നിൻ ചെരുവിൽ പുനരുദ്ധാരണ പ്രവർത്തനങ്ങളും ശുചീകരണ പ്രവർത്തനങ്ങളും നടത്തുന്നുണ്ടായിരുന്നു. ഇതിനിടെയാണ് പൂച്ചക്കുട്ടിയുടെ രൂപം കണ്ടെത്തിയത്. പ്രദേശത്ത് നിന്നും നേരത്തെ കണ്ടെത്തിയിട്ടുള്ള ജിയോഗ്ലൈഫുകളുടെ കൂട്ടത്തിൽ ഈ പൂച്ചക്കുട്ടിയേയും ഉൾപ്പെടുത്തുമെന്നാണ് റിപ്പോർട്ട്.
Comments