പാമ്പ് എന്ന് കേള്ക്കുമ്പോള് തന്നെ ആളുകള്ക്ക് പേടിയാണ്. അപ്പോള് വീട്ടിനകത്തോ ചുറ്റുമുളള പരിസരത്തോ ഇവയെ കണ്ടാലോ… നമ്മള് കൂടുതല് പേടിക്കുന്നു. അതു കൂടാതെ ചെറിയ കുട്ടികള് ഉണ്ടെങ്കില് ശ്രദ്ധേിക്കേണ്ടത് അത്യാവശ്യമാണ്. നാട്ടിന് പുറങ്ങളിലും വീടിനു ചുറ്റുമുളള പറമ്പുകളിലും കൂടാതെ പച്ചക്കറി തോട്ടങ്ങള് കൂടുതലായി പടര്ന്നു കിടക്കുന്ന ഇടങ്ങളിലും പാമ്പ് വരാനുള്ള സാധ്യത വളരെ കൂടുതലാണ്. ചില കാര്യങ്ങള് ശ്രദ്ധിച്ചാല് നമ്മുടെ വീട്ടുപരിസരങ്ങളില് നിന്നും പാമ്പിനെ അകറ്റാം. പൊത്തുകളിലാണ് പാമ്പുകളുടെ വാസം അതിനാല് വീടിന്റെ സമീപത്തും മുറ്റത്തും ഉള്ള പൊത്തുകള് അടയ്ക്കുക. വീടിന്റെ പരിസരത്ത് പാഴ് ചെടികള് ഉണ്ടെങ്കില് വെട്ടിക്കളയുക.
വീട്ടിലെ ചെറിയ മുറികളില് ചെറിയ സുഷിരമോ വിള്ളലോ ഉണ്ടെങ്കില് അടയ്ക്കുക. ഭക്ഷ്യ അവശിഷ്ടങ്ങള് അലക്ഷ്യമായി പുറത്ത് കളയാതിരിക്കുക. പാഴ് വസ്തുക്കള് വീട്ടില് കൂട്ടിയിടാതെ അപ്പപ്പോള് തന്നെ ഒഴിവാക്കുക. വീടും പരിസരവും വൃത്തിയായി സൂക്ഷിക്കുക. പാമ്പിന് കയറി പറ്റാന് ക്കാന് കഴിയുന്ന രീതിയില് എന്തെങ്കിലും വീടിനോടു ചേര്ന്ന് ഉണ്ടെങ്കില് അവ ഒഴിവാക്കുക. വീട്ടില് വളര്ത്തു മൃഗങ്ങള് ഉണ്ടെങ്കില് അവയുടെ കൂടും അതിനോടു ചേര്ന്ന പരിസരവും വൃത്തിയാക്കി സൂക്ഷിക്കുക.
വീടിനു ചുറ്റുമായി കുറ്റിക്കാടുകള് ഉണ്ടെങ്കില് അവ വെട്ടി നശിപ്പിക്കുക. കൂടാതെ പടര്ന്നു കയറുന്ന തരത്തിലുളള ചെടികള് മുറിട്ടു മാറ്റു. വെളുത്തുളളിയുടെ മണം പാമ്പിനെ അകറ്റാന് സഹായിക്കുന്നു. അതിനാല് വളര്ത്തു മൃഗങ്ങളുടെ കൂടിന്റെ അരില് വെളുത്തുളളി ചതച്ചിടുന്നത് വളരെ നല്ലതാണ്. കൂടാതെ മുരിങ്ങ മരത്തിന്റെ തോലും വെളുത്തുളളിയും വെളളം ചേര്ത്ത് മിക്സിയില് അരച്ചെടുത്ത് ആ ലായിനി പാമ്പു വരാന് സാധ്യതയുളള സ്ഥലങ്ങളില് സ്പ്രേ ചെയ്യുന്നതും ഇവയെ അകറ്റാന് വളരെ നല്ലതാണ്.
