മിലാന്: ചാമ്പ്യന്സ് ലീഗില് തകര്പ്പന് ജയവുമായി യുവന്റസ് മുന്നേറി. ഫെറന്കാവ റോസിനെ ഒന്നിനെതിരെ നാല് ഗോളുകള്ക്കാണ് റൊണാള്ഡോയുടെ ടീം തകര്ത്തത്. ബാഴ്സയോട് 5-0ന് തോറ്റ ഫെറന്കാവറോസിന് കനത്ത രണ്ടാമത്തെ പരാജമാണ് യുവന്റസിനോടും ഏറ്റുവാങ്ങേണ്ടി വന്നത്. ബാഴ്സലോണയുമായി 2-0ന് തോറ്റ യുവന്റസ് കരുത്തുപകരുന്ന ജയമാണ് ചാമ്പ്യന്സ് ലീഗിലെ ഗ്രൂപ്പ് ജി യിലെ മൂന്നാം മത്സരത്തില് ലഭിച്ചത്.
യുവന്റസിനായി ആല്വാറോ മൊറാത്തയാണ് ഇരട്ടഗോളുകളുമായി തിളങ്ങിയത്. കളിയുടെ 7-ാം മിനിറ്റില് ഗോള് നേടിയ മൊറാത്ത 60-ാം മിനിറ്റിലും എതിരാളികളുടെ ഗോള്വല കുലുക്കി. 72-ാം മിനിറ്റില് പൗലോ ഡീബാലയും യുവന്റസിനായി ഗോള് നേടി. 81-ാം മിനിറ്റില് ഫെറന്കാവറോസിന്റെ ലാഷാ ഡാവിലിയുടെ സെല്ഫ് ഗോളും യുവന്റസിന് തുണയായി. അവസാന നിമിഷത്തിലെ 90-ാം മിനിറ്റില് ഫ്രാന്ക് ബോളി ഫെറന്കാവ റോസിനായി ആശ്വാസ ഗോള് നേടി.
