ബെംഗളൂരു: ബെംഗളൂരുവില് കെഎസ്ആര്ടിസി സ്വിഫ്റ്റ് ബസിന് തീപിടിച്ചു. പയ്യന്നൂരില് നിന്ന് ബെംഗളൂരുവിലേക്ക് സര്വീസ് നടത്തിയിരുന്ന ബസിനാണ് തീപിടിത്തമുണ്ടായത്. സംഭവത്തില് ആര്ക്കും പരിക്കില്ല. കെങ്കേരി ജ്ഞാനഭാരതി മെട്രോ സ്റ്റേഷന് സമീപം വെള്ളിയാഴ്ച രാവിലെ 6.45ഓടെയായിരുന്നു സംഭവം. ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.
ബെംഗളൂരുവിന് സമീപമെത്തിയതിനാല് ബസില് രണ്ട് യാത്രക്കാരും ഡ്രൈവറും കണ്ടക്ടറും മാത്രമാണ് ഉണ്ടായിരുന്നത്. ബസില് നിന്ന് പുക ഉയരുന്നത് ശ്രദ്ധയില്പ്പെട്ട ഉടന് ഡ്രൈവര് വാഹനം നിര്ത്തി എല്ലാവരെയും സുരക്ഷിതമായി പുറത്തിറക്കുകയായിരുന്നു. ഇതോടെ വന് ദുരന്തമാണ് ഒഴിവായത്.
തീപിടിത്തത്തില് ബസിന്റെ മുന്ഭാഗം പൂര്ണമായും കത്തിനശിച്ചു. വിവരമറിഞ്ഞെത്തിയ കെങ്കേരി അഗ്നിരക്ഷാസേന തീ അണച്ച് സ്ഥിതിഗതികള് നിയന്ത്രണവിധേയമാക്കി. തീപിടിത്തത്തിന്റെ കൃത്യമായ കാരണം കണ്ടെത്താന് അന്വേഷണം തുടരുകയാണ്.
