തൃശൂര്: കനത്ത മഴയും ജലനിരപ്പ് ഉയരുന്ന സാഹചര്യവും പരിഗണിച്ച് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ ജില്ലാ കളക്ടര് അവധി പ്രഖ്യാപിച്ചു. സര്ക്കാര്, എയ്ഡഡ്, അണ്എയ്ഡഡ്, സിബിഎസ്ഇ, ഐസിഎസ്ഇ, കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള്, ട്യൂഷന് സെന്ററുകള് എന്നിവയ്ക്കാണ് അവധി ബാധകം.
താലൂക്കുകളില് നിന്ന് ലഭിച്ച റിപ്പോര്ട്ടുകള്, ജില്ലയിലെ ഡാമുകളിലും ജലാശയങ്ങളിലും ഉയരുന്ന ജലനിരപ്പ്, തുടരുന്ന ശക്തമായ മഴ എന്നിവ വിലയിരുത്തിയാണ് വിദ്യാര്ഥികളുടെ സുരക്ഷ മുന്നിര്ത്തി അവധി പ്രഖ്യാപിച്ചതെന്ന് ജില്ലാ കളക്ടര് അറിയിച്ചു. അതേസമയം, മുന്കൂട്ടി നിശ്ചയിച്ച പൊതുപരീക്ഷകള്ക്കും അഭിമുഖങ്ങള്ക്കും അവധി ബാധകമല്ല.
അനാവശ്യ യാത്രകള് ഒഴിവാക്കി എല്ലാവരും ജാഗ്രത പാലിക്കണമെന്നും ദുരന്തനിവാരണ വകുപ്പും ജില്ലാ ഭരണകൂടവും നല്കുന്ന ഔദ്യോഗിക മുന്നറിയിപ്പുകളും നിര്ദേശങ്ങളും കര്ശനമായി പാലിക്കണമെന്നും ജില്ലാ കളക്ടര് അഭ്യര്ഥിച്ചു.
