ലണ്ടന്: ചാമ്പ്യന്സ് ലീഗില് രണ്ടു മുന്നിര ടീമുകള്ക്ക് തോല്വി. ഇംഗ്ലീഷ് ടീമായ മാഞ്ചസ്റ്റര് യുണൈറ്റഡും ഫ്രഞ്ച് ലീഗ് ചാമ്പ്യന്മാരായ പി.എസ്.ജിയ്ക്കുമാണ് അടിതെറ്റിയത്. തുടര്ച്ചയായ രണ്ടാം തോല്വി പിണഞ്ഞതാണ് യുണൈറ്റഡിന് വിനയായത്. മാഞ്ചസ്റ്റര് യുണൈറ്റഡിനെ ഇസ്താന്ബുള് ബസാക്സെഹറും പി.എസ്.ജിയെ ലീപ്സിഗുമാണ് തോല്പ്പിച്ചത്.
മാഞ്ചസ്റ്റര് യുണൈറ്റഡ് 2-1നാണ് തോറ്റത്. ഡെംബാ ബാ 12-ാം മിനിറ്റിലും എഡിന് വിസ്ക 40-ാം മിനിറ്റിലുമാണ് ഇസ്താന്ബുള് ബസാക്സെഹറിനായി ഗോളുകളടിച്ചത്. 43-ാം മിനിറ്റില് ആന്റണി മാര്ഷ്യല് യുണൈറ്റഡിനായി ആശ്വാസ ഗോള് നേടി. കഴിഞ്ഞ മത്സരത്തില് ലീപ്സെഗിനെ 5-0ന് തകര്ത്ത യുണൈറ്റഡ് പ്രീമിയര് ലീഗില് ആഴ്സണലിനെതിരെ തോറ്റ ക്ഷീണത്തിലിരിക്കേയാണ് ചാമ്പ്യന്സ് ലീഗിലും തോറ്റത്.
നെയ്മറില്ലാതെ ഇറങ്ങിയ പി.എസ്.ജി ലീപ്സെഗിനോടാണ് 2-1ന് തോറ്റത്. കളിയുടെ ആദ്യപകുതിയിലെ ആറാം മിനിറ്റില് എയ്ഞ്ചെല് ഡീ മരിയയാണ് പി.എസ്.ജിയ്ക്കായി ഗോള് നേടിയത്. എന്നാല് 41-ാം മിനിറ്റില് ക്രിസ്റ്റഫര് നുന്കു ലീപ്സിഗിനായി സമനില പിടിച്ചു. 57-ാം മിനിറ്റില് എമില് ഫോഴ്സ്ബര്ഗ് പെനാല്റ്റിയിലൂടെയാണ് വിജയഗോള് നേടിയത്. ഇതിനിടെ രണ്ടു ചുവപ്പുകാര്ഡുകള് കാണേണ്ടി വന്നത് പി.എസ്.ജിയ്ക്ക് വിനയായി. 69-ാം മിനിറ്റില് ഇദ്രിസാ ഗുയേയിയിക്കും പ്രസെന്നെല് കിംപെമ്പേയ്ക്കുമാണ് ചുവപ്പുകാര്ഡ് കാണേണ്ടിവന്നത്.
