ലിസ്ബണ്: ക്രിസ്റ്റ്യാനോ റൊണാള്ഡോ കൊറോണ മുക്തനായി ആദ്യം ഇറങ്ങുന്ന അന്താരാഷ്ട്രമത്സരം അന്ഡോറയ്ക്കെതിരെ. ലോകകപ്പ് യോഗ്യതാ പോരാട്ടത്തിലാണ് ആന്ഡോറയ്ക്കെതിരെ റൊണാള്ഡോ എസ്റ്റാഡിയോ മൈതാനത്ത് ഇറങ്ങുന്നത്. തുടര്ന്ന് നേഷന്സ് ലീഗില് ഫ്രാന്സിനെതിരേയും 18-ാം തീയതി ക്രൊയേഷ്യക്കെതിരേയും പോര്ച്ചുഗലിനായി ക്രിസ്റ്റ്യാനോ ഇറങ്ങും.
പോര്ച്ചുഗലിന്റെ യുവന്റസ് സൂപ്പര് താരം മൂന്ന് ആഴ്ചയിലേറെയായി അന്താരാഷ്ട്രതല ത്തിലേയും ലീഗിലേയും കളിക്കളത്തില് നിന്ന് വിട്ടുനിന്ന ശേഷമാണ് ലീഗില് കളിക്കാനിറങ്ങിയത്. കഴിഞ്ഞ മാസം 13-ാം തീയതിയാണ് യുവന്റസിനായി കളിക്കുന്നതിനിടെ ക്രിസ്റ്റ്യാനോ റൊണാള്ഡോയ്ക്ക് കൊറോണ ബാധ സ്ഥിരീകരിച്ചത്. നേഷന്സ് ലീഗില് സ്വീഡനെതിരെ 3-0ന്റെ ജയം നേടിയപ്പോള് ക്രിസ്റ്റ്യാനോയ്ക്ക് ആ മത്സരം നഷ്ടമായി. തിരിച്ചുവരവില് സ്പേസിയക്കെതിരെ ഇരട്ടഗോളുകളോടെയാണ് ക്രിസ്റ്റ്യാനോ റൊണാള്ഡോ തിളങ്ങിയത്. കഴിഞ്ഞ ബുധനാഴ്ച ഫെറന്കാവറോസിനെതിരെ നേടിയ 4-1ന്റെ തകര്പ്പന് ജയത്തിലും ക്രിസ്റ്റ്യാനോ റൊണാള്ഡോ ഒരു ഗോള് സ്വന്തമാക്കി.
