പഞ്ചായത്ത് തെരഞ്ഞെടുപ്പിൽ മത്സരിക്കുന്നുണ്ടോ? മറുപടിയുമായി അനുശ്രീ

താരജാഡയില്ലാതെ നാട്ടിൽ നടക്കുന്ന പരിപാടികളിൽ സജീവമായി പങ്കെടുക്കുന്ന മലയാളികളുടെ പ്രിയപ്പെട്ട നടിയാണ് അനുശ്രീ. അനുശ്രീ ഇത്തവണ പഞ്ചായത്ത് തെരഞ്ഞെടുപ്പിൽ മത്സരിക്കുന്നുവെന്നാണ് ഇപ്പോൾ പ്രചരിക്കുന്ന റിപ്പോർട്ടുകൾ. ഇതിനെപ്പറ്റി ആരാധകർ ചോദിക്കുന്ന ചില സംശയങ്ങൾക്ക് മറുപടി നൽകുകയാണ് താരം.

‘ഈ വർഷം പഞ്ചായത്ത് തെരഞ്ഞെടുപ്പിൽ മത്സരിക്കുന്നു എന്ന വാർത്ത കേട്ടല്ലോ’ എന്ന ചോദ്യത്തിന് ‘ഞാനും കേട്ടു’ എന്നായിരുന്നു അനുശ്രീ നൽകിയ മറുപടി. ഇൻസ്റ്റഗ്രാമിൽ ആരാധകരുമായുള്ള ചോദ്യോത്തര വേളയിലായിരുന്നു താരത്തിന്റെ പ്രതികരണം.

സിനിമാ നടി അല്ലെങ്കിൽ മറ്റ് എന്താകുമായിരുന്നു എന്ന ചോദ്യത്തിന് താൻ സൂപ്പർ മാർക്കറ്റ് സെയിൽസ് ഗേൾ ആയി ജോലി നോക്കും എന്നായിരുന്നു അനുശ്രീ നൽകിയ മറുപടി. അതേസമയം കൊറോണക്കാലത്ത് സോഷ്യൽ മീഡിയയിൽ സജീവമായ താരം ഇനിയും ഷൂട്ടിംഗ് തിരക്കുകളിലേക്ക് എത്തിയിട്ടില്ല. ശോഭയാത്രയിൽ ഭാരതാംബയായി പങ്കെടുത്ത അനുശ്രീയുടെ ചിത്രങ്ങൾ സോഷ്യൽമീഡിയയിൽ വൈറലായിരുന്നു.