ക്രൈസ്റ്റ്ചര്ച്ച്: ന്യൂസിലാന്റിലേക്ക് പര്യടനത്തിനെത്തിയ വെസ്റ്റിന്ഡീസ് താരങ്ങള്ക്ക് പരിശീലന നിരോധനം ഏര്പ്പെടുത്തി ആരോഗ്യവകുപ്പ്. പര്യടനത്തിനെത്തിയ കരീബിയന് നിരയിലെ ചിലതാരങ്ങള് കാണിച്ച അലംഭാവമാണ് മൊത്തം ടീമിന്റെ പരിശീലനമടക്കമുള്ള സംവിധാനങ്ങളെ അവതാളത്തിലാക്കിയത്.
ന്യൂസിലാന്റ് ഭരണകൂടത്തിന്റെ നിയന്ത്രണത്തിലുള്ള ഹോട്ടലിലെ താമസത്തിനിടെയാണ് കരീബിയന് താരങ്ങള് സാമൂഹിക അകലം ലംഘിച്ച് ഇടപഴകുന്നതും ഭക്ഷണം കഴിക്കു ന്നതും പരാതിയായി ആരോഗ്യവകുപ്പിന് ലഭിച്ചത്. വിദേശത്തു നിന്നും വരുന്നവര് പാലിക്കേണ്ട നിയന്ത്രണങ്ങളുടെ ലംഘനം ഒരു കാരണവശാലും അനുവദിക്കാനാ കില്ലെന്നാണ് ഭരണകൂടം അറിയിച്ചത്.
ന്യൂസിലാന്റിന്റെ നടപടിയെ കരീബിയന് ക്രിക്കറ്റ് ബോര്ഡ് സ്വാഗതം ചെയ്തു. നിയന്ത്രണങ്ങള് അനിവാര്യമാണെന്നും കൊറോണ ബബിള് മറികടക്കാന് ആര്ക്കും അനുവാദമില്ലെന്നും ബോര്ഡ് അറിയിച്ചു. അതേസമയം രണ്ടു തവണത്തെ പരിശോധനകളിലും എല്ലാ താരങ്ങളും നെഗറ്റീവാണെന്നതും കരീബിയന് നിരയ്ക്ക് ആശ്വാസമായി.
Comments