കൊൽക്കത്ത: കൊറോണ സ്ഥിരീകരിച്ച് ആശുപത്രിയിൽ തുടരുന്ന ഇതിഹാസ നടൻ സൗമിത്ര ചാറ്റർജിയുടെ നില ഗുരുതരാവസ്ഥയിലെന്ന് റിപ്പോർട്ട്. ആശുപത്രി അധികൃതർ ഇന്ന് വൈകിട്ട് പുറത്തുവിട്ട റിപ്പോർട്ടിലാണ് ആരോഗ്യനില മോശമാണെന്ന് വ്യക്തമാക്കിയത്.
‘ജീവൻ രക്ഷാ ഉപകരണങ്ങളുടെ സഹായത്തോടെയാണ് അദ്ദേഹത്തിന്റെ ജീവൻ നിലനിർത്തുന്നത്. സുഖപ്പെടുത്താൻ 40 ദിവസത്തെ പോരാട്ടം മതിയാവില്ല. അത്ഭുതം സംഭവിക്കണം’ ഡോക്ടറെ ഉദ്ദരിച്ച് ദേശിയ മാദ്ധ്യമങ്ങൾ റിപ്പോർട്ട് ചെയ്യുന്നു.
ഒക്ടോബർ ആറിനാണ് താരത്തെ കൊറോണ ബാധിച്ച് ആശുപത്രിയിൽ പ്രവേശിപ്പിക്കുന്നത്. ആരോഗ്യനില വഷളായതിനെ തുടർന്ന് തീവ്രപരിചരണ വിഭാഗത്തിലേക്ക് മാറ്റിയെങ്കിലും പിന്നീട് കൊറോണ നെഗറ്റീവ് ആയതിനെ തുടർന്ന് ആരോഗ്യം മെച്ചപ്പെട്ടതായി റിപ്പോർട്ടുകൾ വന്നിരുന്നു. എന്നാൽ വൈകാതെ അദ്ദേഹത്തിന്റെ നില വഷളാവുകയായിരുന്നു.
