ന്യൂഡല്ഹി: അറബിക്കടല് കേന്ദ്രീകരിച്ചുള്ള നാവികാഭ്യാസത്തിന്റെ രണ്ടാം ഘട്ടം ആരംഭിച്ചു. ഇന്ത്യ, അമേരിക്ക, ജപ്പാന്, ഓസ്ട്രേലിയ എന്നീ രാജ്യങ്ങളുടെ നാവികസേനാ വിഭാഗമാണ് പരിശീലനാഭ്യാസങ്ങളില് പങ്കെടുക്കുന്നത്. നാവികസേനകളുടെ അഭ്യാസം വെള്ളിയാഴ്ചവരെ തുടരും.
ഐ.എന്.എസ്.വിക്രമാദിത്യയുടെ നേതൃത്വത്തിലാണ് ഇന്ത്യന് പടക്കപ്പലുകള് അഭ്യാസം നടത്തുന്നത്. ഇവര്ക്കൊപ്പം അമേരിക്കയുടെ നിമിറ്റ്സ് കരിയര് സ്ട്രൈക്ക് ഗ്രൂപ്പും ഓസ്ട്രേലിയയുടേയും ജപ്പാന്റേയും നാവിക പടക്കപ്പലുകളുമാണ് പങ്കെടുക്കുന്നത്.
മലബാര് 2020യുടെ ആദ്യഘട്ടം ബംഗാള് ഉള്ക്കടല് കേന്ദ്രീകരിച്ച് വിശാഖപട്ടണം തീരത്താണ് നടന്നത്. 13 വര്ഷങ്ങള്ക്ക് ശേഷമാണ് ഓസ്ട്രേലിയ മലബാര് സംയുക്തനാവിക പരിശീലന പരിപാടിയുടെ ഭാഗമാകുന്നത്. 1992 മുതലാണ് ഇന്ത്യയും അമേരിക്കയും സംയുക്ത നാവികാഭ്യാസം ആരംഭിച്ചത്.
Comments