പാരീസ്: എ.ടി.പി ഫൈനല്സില് നദാലിനെ അട്ടിമറിച്ച് ഡോമിനിക് തീം സെമിയില് കടന്നു. ലോക രണ്ടാം നമ്പറിനെ ഈ സീസണില് രണ്ടാം തവണയാണ് ഡോമിനിക് തീം അട്ടിമറിക്കുന്നത്. നദാല് 7-6)9-7), 7-6(7-4) നാണ് മികച്ച പോരാട്ടത്തിനൊടുവില് തീം തോല്പ്പിച്ചത്. സീസണില് ഓസ്ട്രേലിയന് ഓപ്പണിലേറ്റ പരാജയത്തിന് കണക്കു തീര്ക്കാനിറങ്ങിയ നദാലിന് തീമിന് മുന്നില് വീണ്ടും അടിതെറ്റി. 5-2ന് ടൈബ്രേക്കറില്
രണ്ടു തവണ സെറ്റ് നേടാന് കിട്ടിയ അവസരം നദാല് നഷ്ടപ്പെടുത്തിയത് തീമിന് ഗുണമായി. രണ്ടു സെറ്റുകളും ടൈബ്രേക്കറിലേക്ക് എത്തിച്ചാണ് തീം മത്സരം തനിക്ക് അനുകൂലമാക്കി. എ.ടി.പി ഫൈനല്സിലെ നിലവിലെ ചാമ്പ്യന് സിറ്റ്സിപാസുമായി ഇനി നദാല് കളിക്കാനിറങ്ങും. ഇവരിലെ വിജയിയാണ് തീമിനെതിരെ സെമിയില് കളിക്കുക. ഇതിനിടെ രൂബലേവ് രണ്ടു കളികളില് തോറ്റതോടെ ടൂര്ണ്ണമെന്റില് നിന്നും പുറത്തായി. ജോക്കോവിച്ചും ആദ്യമത്സരം ജയിച്ച് നിൽക്കുകയാണ്.
