തമിഴ്നാട്: രാജീവ് ഗാന്ധി വധക്കേസിലെ പ്രതി പേരറിവാളനെ മോചിപ്പിക്കണമെന്നാവശ്യപ്പെട്ട് ഗവർണർക്ക് കത്തയച്ച് നടൻ വിജയ് സേതുപതി. ഗവർണറോട് ഇക്കാര്യം അഭ്യർത്ഥിക്കുന്ന വീഡിയോയും സേതുപതി ഫേസ്ബുക്ക് പേജിലൂടെ പങ്കുവച്ചിട്ടുണ്ട്.
സുപ്രീം കോടതി വിധിയെ മാനിച്ച് പേരറിവാളനെ വെറുതെ വിടണണെമന്ന് അഭ്യർത്ഥിക്കുന്നു. മകന്റെ മോചനത്തിനായി അർപ്പുതം അമ്മാൾ നടത്തുന്ന 29 വർഷം നീണ്ട നിയമ പോരാട്ടം അവസാനിപ്പിക്കുന്നതിന് വേണ്ടി അദ്ദേഹത്തെ വെറുതെ വിടണമെന്ന് താൻ അപേക്ഷിക്കുന്നുവെന്ന്് വിജയ് സേതുപതി വീഡിയോയിൽ പറ യുന്നു.
#ReleasePerarivalan
Posted by Vijay Sethupathi on Friday, November 20, 2020
നേരത്തെ പേരറിവാളനെ ഉടൻ മോചിപ്പിക്കണമെന്ന ആവശ്യപ്പട്ടുകൊണ്ട് സംവിധായകൻ കാർത്തിക് സുബ്ബരാജ് അടക്കം സിനിമാരംഗത്ത് നിന്നും നിരവധി പ്രമുഖർ രംഗത്തെത്തിയിരുന്നു. മനുഷ്യാവകാശപ്രവർത്തകരും രാഷ്ട്രീയ പ്രവർത്തകരും സാഹിത്യ സാംസ്കാരിക പ്രവർത്തകരും പേരറിവാളന്റെ മോചനം ആവശ്യപ്പെട്ടിരുന്നു.
രാജീവ് ഗാന്ധി വധക്കേസിലെ പ്രതികളെ മോചിപ്പിക്കുന്നതിൽ ഗവർണർക്ക് അന്തിമ തീരുമാനമെടുക്കാമെന്നും അന്വേഷണ ഏജൻസിയുടെ അന്തിമ റിപ്പോർട്ടിനായി കാത്തിരിക്കേണ്ടതില്ലെന്നും സുപ്രീം കോടതി കഴിഞ്ഞ വർഷം അറിയിച്ചിരുന്നു.
വധക്കേസിലെ സൂത്രധാരനായ പേരറിവാളൻ രണ്ട് ബാറ്ററി സെൽ വാങ്ങി നൽകിയതായും ഇതാണ് രാജീവ് ഗാന്ധിയെ കൊലപ്പെടുത്തിയ ബോംബിൽ ഉപയോഗിച്ചതെന്നും ആരോപിച്ചായിരുന്നു അറസ്റ്റ്. 1991ൽ പേരറിവാളൻ ശിക്ഷിക്കപ്പെടുമ്പോൾ് 19 വയസായിരുന്നു. 26 വർഷങ്ങൾക്ക് ശേഷമാണ് പരോൾ ലഭിക്കുന്നത്.
Comments