കാന്കേര്: കമ്യൂണിസ്റ്റ് ഭീകര കേന്ദ്രങ്ങളില് സേന നടത്തിയ തിരച്ചിലില് മൂന്ന് ഭീകരരെ വധിച്ചതായി റിപ്പോര്ട്ട്. ഛത്തീസ്ഗഢിലെ കാന്കേര് ജില്ലയിലെ റാവ്ഘാട്ട് പോലീസ് സ്റ്റേഷന് പരിധിയിലാണ് സേന തിരച്ചില് നടത്തിയത്. സശസ്ത്ര സീമാ ബലിന്റെ നേതൃത്വത്തിലാണ് കമ്യൂണിസ്റ്റ് ഭീകരവേട്ട നടന്നത്.
ഭീകരര്ക്കെതിരെ നടത്തിയ ശക്തമായ ആക്രമണത്തിനിടെ ഒരു ജവാന് പരിക്കേറ്റതായി ഐ.ജി. പി. സുന്ദര് രാജ് അറിയിച്ചു. കഴിഞ്ഞ ദിവസം ബീഹാറിലും കമ്യൂണിസ്റ്റ് ഭീകരരും
സുരക്ഷാ സേനയും തമ്മില് ഏറ്റുമുട്ടല് നടന്നിരുന്നു. ഗയാ ജില്ലയിലെ മഹൂരി ഗ്രാമത്തിലുണ്ടായ ഏറ്റുമുട്ടലിലാണ് മൂന്ന് കമ്യൂണിസ്റ്റ് ഭീകരരെ സുരക്ഷാ സേന വധിച്ചത്. ഏകെ 47 ഉള്പ്പെടെയുള്ള ആയുധങ്ങള് പ്രദേശത്ത് നിന്നും കണ്ടെടുത്തിരുന്നു.
പ്രദേശത്ത് ഭീകരരുടെ സാന്നിദ്ധ്യമുള്ളതായി സുരക്ഷാ സേനയ്ക്ക് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തില് മേഖലയില് തെരച്ചില് നടത്താനെത്തിയ സുരക്ഷാ ഉദ്യോഗസ്ഥര്ക്ക് നേരെ ഭീകരര് ആക്രമണം നടത്തുകയായിരുന്നു.
