ഹോങ്കോംഗ്: ചൈന ഹോങ്കോംഗില് ദേശീയ സുരക്ഷാ നിയമം കടുപ്പിക്കുന്നു. ചൈനീസ് നിയമങ്ങള് അടിച്ചേല്പ്പിക്കുന്നതിനെതിരെ സമരം നയിക്കുന്ന ജോഷ്വാ വോംഗിനെയാണ് ഏറ്റവും ഒടുവില് അറസ്റ്റ് ചെയ്തത്. ജോഷ്വയെ 13 മാസത്തെ തടവിന് കോടതി ശിക്ഷിച്ചിരി ക്കുകയാണ്. ജോഷ്വയ്ക്കൊപ്പം ആഗ്നസ് ചോവും ഇവാന് ലാമിനേയും ശിക്ഷിച്ചിട്ടുണ്ട്. ചോവിനെ പത്ത് മാസത്തേയ്ക്കും ലാമിനെ ഏഴുമാസത്തേക്കുമാണ് ശിക്ഷിച്ചത്.
പ്രക്ഷോഭകാരികള്ക്കെതിരെ ചൈനയും കോടതിയും അടിച്ചമര്ത്തലാണ് നടത്തുന്നതെന്ന് പ്രക്ഷോഭം നയിക്കുന്ന നാഥാന് ലോ ആരോപിച്ചു. ഈ ആഗോള നഗരത്തില് ജനാധിപത്യം പുന:സ്ഥാപിക്കപ്പെടണമെന്ന് ആവശ്യപ്പെടുന്നവരെ ജയിലിലടയ്ക്കുന്നത് നീചമായ മനുഷ്യാവകാശ ലംഘനമാണെന്ന് ലോ പറഞ്ഞു.
ചൈനയുടെ നടപടിക്കെതിരെ ബ്രിട്ടന്റെ വിദേശകാര്യ സെക്രട്ടറി ഡോമിനിക് റാബ് പ്രതിഷേധിച്ചു. പ്രതിപക്ഷ ശബ്ദങ്ങളെ അടിച്ചൊതുക്കുന്ന നടപടിയാണ് ചൈനയുടേയും ഹോങ്കോംഗ് ഭരണകൂടത്തിന്റേതുമെന്ന് റാബ് പ്രതികരിച്ചു.
Comments