സിഡ്നി: 2021ലെ ആദ്യ ഗ്രാന്ഡ് സ്ലാമിന്റെ തിയതി തീരുമാനിച്ച് എ.ടി.പി. സിഡ്നിയില് നടക്കാറുള്ള ഓസ്ട്രേലിയന് ഓപ്പണ് ഫെബ്രുവരി 8 മുതല് ആരംഭിക്കുമെന്ന് അസോസി യേഷന് ഓഫ് ടെന്നീസ് പ്രൊഫഷണല്സ് അറിയിച്ചു. പുരുഷ വിഭാഗം താരം റോജര് ഫെഡറര് പരിക്കുമൂലം കളിക്കുന്നില്ലെന്ന മുന്നേ അറിയിച്ചിട്ടുള്ളതിനാല് ജോക്കോവിച്ചിനും നദാലിനും മികച്ച സാദ്ധ്യത തുറക്കുകയാണ്.
സീസണിലെ ആദ്യ ഗ്രാന്റ് സ്ലാം ഫെബ്രുവരി 8 മുതല് 21വരെ യാണ് നടക്കുക.യോഗ്യതാ മത്സരങ്ങള് ജനുവരി 10-13 തീയതികളില് ദോഹയില് നടക്കും. 14 ദിവസത്തെ ക്വാറന്റൈ നടക്കമുള്ള കൊറോണ പ്രോട്ടോക്കോള് യോഗ്യതാ മത്സരത്തിലും നിര്ബന്ധമാക്കിയിട്ടുണ്ട്.
ഈ വര്ഷം പുരുഷ വിഭാഗം കിരീടം നൊവാക് ജോകോവിച്ചാണ് ജയിച്ചത്. ഡോമിനിക് തീമിനെതിരെ ശരിക്കും വിയര്ത്താണ് ജയം പിടിച്ചെടുത്തത്. വനിതാ കിരീടം അമേരിക്കയുടെ സോഫിയാ കെനിനാണ് നേടിയത്. ഗ്രാബ്രിന് മുഗുരേസയെയാണ് തോല്പ്പിച്ചത്.
