അഡ്‌ലെയ്ഡ്: ഓസ്‌ട്രേലിയക്കെതിരെ ഇന്ത്യക്ക് ബാറ്റിംഗ് തകര്‍ച്ച. ആദ്യ ഇന്നിംഗ്‌സില്‍ ഇന്ത്യ 244ന് പുറത്തായി. രണ്ടാം ദിനം ചായക്ക് മുന്നേ തന്നെ ഇന്ത്യയെ പുറത്താക്കിയത് സ്റ്റാര്‍ക്കിന്റെ ബൗളിംഗാണ്. ഇന്ന് മാത്രം 11 റണ്‍സ് കൂട്ടിച്ചേര്‍ക്കുമ്പഴേക്കും ഇന്ത്യയുടെ നാല് വിക്കറ്റുകള്‍ നിലംപൊത്തി. ഒടുവില്‍ വിവരം ലഭിക്കുമ്പോള്‍ മറുപടി ബാറ്റിംഗ് ആരംഭിച്ച ഓസീസ് റണ്‍സൊന്നുമെടുത്തിട്ടില്ല. ഉമേഷ് യാദവിന്റെ ആദ്യ ഓവറാണ് മെയ്ഡനായി മാറിയത്.
ഇന്നലെ 233ന് 6 എന്ന നിലയിലാണ് ഇന്ത്യ രണ്ടാം ഇന്നിംഗ്‌സ് പുനരാരംഭിച്ചത്. അശ്വിന്‍(15), വൃദ്ധിമാന്‍ സാഹ(9), ഉമേഷ് യാദവ്(6), മുഹമ്മദ് ഷമി(0) എന്നിവരാണ് ഇന്ന് പുറത്തായവര്‍.
ഓസീസിനായി മിച്ചല്‍ സ്റ്റാര്‍ക്ക് 53 റണ്‍സിന് നാല് വിക്കറ്റ് വീഴ്‌ത്തി. കമ്മിന്‍സ് 48 പന്തില്‍ മൂന്ന് വിക്കറ്റും നേടി. മറ്റ് വിക്കറ്റുകള്‍ ഹേസല്‍വുഡും നഥാന്‍ ലയണിനുമാണ് ലഭിച്ചത്.
