അധികം ആരും അറിയാത്ത എന്നാല് പ്രാധാന്യമുളള ഒരുപാട് ക്ഷേത്രങ്ങളുണ്ട് കേരളത്തിൽ .അത്തരത്തിലുളള ഒരു ക്ഷേത്രമാണ് പന്തലായിനി ശ്രീ അഘോര ശിവ ക്ഷേത്രം. കോഴിക്കോട് കൊയിലാണ്ടി വടകര റൂട്ടിലുളള പന്തലായിനി എന്ന സ്ഥലത്താണ് ഈ ക്ഷേത്രം സ്ഥിതി ചെയ്യുന്നത്. ശിവലിംഗമാണ് ക്ഷേത്രത്തിലെ പ്രധാന പ്രതിഷ്ഠ. കേരളത്തില് ഏറ്റുമാനൂര് ക്ഷേത്രം കഴിഞ്ഞാല് പിന്നെയുള്ള ഏക അഘോര ശിവക്ഷേത്രം ഇതാണ്. കൂടാതെ അഘോര ഹോമം കേരളത്തില് ഇപ്പോഴും നടത്തുന്ന ഏക ക്ഷേത്രം ഇതാണ്. ക്ഷേത്രത്തിലെ മറ്റൊരു പ്രധാന പ്രതിഷ്ഠയാണ് ഉമാമഹേശ്വര പ്രതിഷ്ഠ.
ഉമാമഹേശ്വര പ്രതിഷ്ഠയ്ക്കു മുന്നില് പൂജ ചെയ്താല് വിവാഹവുമായി ബന്ധപ്പെട്ട എല്ലാ തടസ്സങ്ങളും മാറുമെന്നും വിവാഹം നടക്കാതെ നീണ്ടു പോകുന്ന ആളുകള്ക്ക് പെട്ടെന്ന് വിവാഹം നടക്കുമെന്നുമാണ് വിശ്വാസം. ഇവിടെ ഉമാമഹേശ്വര പൂജ നടത്താനായി ദൂരെ നിന്നുവരെ ആളുകള് എത്താറുണ്ട്. ഗണപതി, സുബ്രഹ്മണ്യന്, ദക്ഷിണാമൂര്ത്തി, തേവാര ഭഗവതി, നാഗദൈവങ്ങള് എന്നിവയാണ് ക്ഷേത്രത്തിലെ ഉപപ്രതിഷ്ഠകൾ .
പ്രകൃതിയോട് ഏറെ അടുത്തു നില്ക്കുന്ന ഈ ക്ഷേത്രത്തിന് ഒരുപാട് വര്ഷത്തെ പഴക്കമുണ്ട്. രാവിലെ അഞ്ച് മണി മുതല് പത്ത് മണി വരെയും വൈകുന്നേരം അഞ്ച് മുപ്പതു മുതല് ഏഴ് മുപ്പതു വരെയുമാണ് ക്ഷേത്രത്തിലെ ദര്ശന സമയം. ശിവരാത്രി, തിരുവാതിര തുടങ്ങിയ ദിവസങ്ങളില് പ്രത്യേകം പൂജകള് ഉണ്ടായിരിക്കും, വാസ്കോഡഗാമ ആദ്യമായി കാലു കുത്തിയത് കാപ്പാട് ആണെങ്കിലും കൃത്യമായ സ്ഥലം പന്തലായിനിയാണ് എന്നാണ് പറയപ്പെടുന്നത്. അതുകൊണ്ടു തന്നെ വളരെ ചരിത്രം പ്രസിദ്ധമായ ഒരു സ്ഥലം കൂടിയാണ് ഇവിടം.
Comments