അഡ്ലെയ്ഡ്: ക്രിക്കറ്റ് ചരിത്രത്തിലെ ഏറ്റവും നാണക്കേടുണ്ടാക്കിയ ടെസ്റ്റില് ഇന്ത്യ 8 വിക്കറ്റിന് തോറ്റു. ഇന്ത്യയുടെ ലീഡായ 90 റണ്സ് ഓസീസ് 2 വിക്കറ്റ് നഷ്ടത്തില് അനായാസം മറികടന്നു. 63 പന്തില് 51 റണ്സ് നേടിയ ജോ ബേണ്സാണ് ഓസീസിന്റെ ടോപ് സ്കോറര്. ഓപ്പണര് മാത്യൂ വേഡ് 33 റണ്സിന് റണ്ണൗട്ടായി. മാര്നസ് ലബുഷാനേ 6 റണ്സിന് അശ്വിന്റെ ഇരയയി. സ്റ്റീവ് സ്മിത്ത് ബേണ്സിനൊപ്പം ഒരു റണ്സെടുത്ത് പുറത്താകാതെ നിന്നു.
ഇന്ന് മൂന്നാം ദിനത്തില് തുടക്കത്തില് തന്നെ ഇന്ത്യ അവിശ്വസനീയമായി തകര്ന്നതാണ് കളി ഓസീസിന് അനുരകൂലമാക്കിയത്. ഓസീസ് ബൗളര്മാരുടെ കൃത്യതയാര്ന്ന പന്തുകളെ നേരിടാനാകാതെ നായകന് കോഹ്ലി അടക്കം എല്ലാവരും 36 റണ്സിന് കൂടാരം കയറി. ഹേസല്വുഡ് 5 വിക്കറ്റും കമ്മിന്സ് 4 വിക്കറ്റുകളും വീഴ്ത്തിയാണ് ഇന്ത്യയെ തകര്ത്തത്.
