കൊച്ചി: സിനിമയിലെ ആക്ഷൻ രംഗങ്ങളിലൂടെ ആരാധകരെ അത്ഭുതപ്പെടുത്തുന്ന താരമാണ് മോഹൻലാൽ. ഇപ്പോഴിതാ ആരാധകർക്കായി തന്റെ ആരോഗ്യ രഹസ്യം പങ്കുവച്ചിരിക്കുകയാണ് മോഹൻലാൽ. തന്റെ ഒരു ദിവസത്തെ ശരീര വ്യായാമത്തിന്റെ വീഡിയോയാണ് മോഹൻലാൽ ഫേസ്ബുക്കിലൂടെ പങ്കുവച്ചിരിക്കുന്നത്.
താരം ജിമ്മിലേക്ക് വരുന്നതും തുടർന്ന് പരിശീലകന്റെ നിർദേശങ്ങൾക്കനുസരിച്ച് വ്യായാമം ചെയ്യുന്നതുമാണ് വീഡിയോയിൽ. വീഡിയോ സമൂഹമാദ്ധ്യമങ്ങളിൽ വൈറലാണ്.
എത്ര തിരക്കുണ്ടെങ്കിലും താൻ എല്ലാ ദിവസവും വർക്കൗട്ട് ചെയ്യാൻ ശ്രമിക്കാറുണ്ടെന്നും എല്ലാവരും ചെയ്യുന്നത് നല്ലതാണെന്നും പറഞ്ഞുകൊണ്ടാണ് വീഡിയോ തുടങ്ങുന്നത്.
‘പ്രചോദനമാണ് എന്തും തുടങ്ങാൻ നിങ്ങളെ സഹായിക്കുന്നത്. ഈ ശീലം നിങ്ങളെ മുന്നോട്ട് കൊണ്ടുപോകുന്നു. ആരോഗ്യകരമായ ഒരു ശീലം പിന്തുടരുക’ വീഡിയോ പങ്കുവച്ച് മോഹൻലാൽ കുറിച്ചു.
Motivation is what gets you started. Habit is what keeps you going. Follow a healthy habit.
Posted by Mohanlal on Monday, January 4, 2021
