ന്യൂയോർക്ക്: ഭൂമിയുൾപ്പെടുന്ന നക്ഷത്രവ്യൂഹമടങ്ങുന്ന വിശാല ലോകത്തിന്റെ ചിത്രം പങ്കുവെച്ച് നാസ. ക്ഷീരപഥം പോലെ നിരവധി ഗ്യാലക്സികളുൾപ്പെട്ട വിശാല ചിത്രത്തിന്റെ നട്ടെല്ല് പോലുള്ള ഒരു തണ്ട് വ്യക്തമായി കാണുന്ന വിചിത്രമായ ചിത്രമാണ് ഏവർക്കും കൗതുകമാകുന്നത്. ‘മിൽകി വേ വിത്ത് സെൻട്രൽ ബാർസ് ആൻഡ് ലോംഗ് ആംസ് ‘ എന്ന വിശദീകരണത്തോടെയാണ് നാസയുടെ ചിത്രം പുറത്തുവന്നത്.
ലക്ഷക്കണക്കിന് നക്ഷത്രങ്ങൾ തിങ്ങിനിറഞ്ഞ തിളക്കമേറിയ നക്ഷത്ര വ്യൂഹങ്ങളുടെ ചിത്രമാണ് പുറത്തുവന്നിരിക്കുന്നത്. അതിവിപുലമായ പ്രപഞ്ചത്തിലെ ഏറ്റവും പുതിയ ചിത്രമാണ് ഹബിൾ ടെലസ്കോപ്പ് എടുത്ത് പുറത്തുവിട്ടതെന്നും നാസ വ്യക്തമാക്കി. നാസയുടെ ഔദ്യോഗികമായ ഇൻസ്റ്റാഗ്രാമിലൂടെയാണ് കഴിഞ്ഞ ദിവസം ചിത്രം അയച്ചത്.
67 ദശലക്ഷം പ്രകാശവർഷം അകലെയുള്ള ചിത്രമെന്നാണ് നാസ അറിയിച്ചിരിക്കുന്നത്. എൻജിസി 613 എന്ന് പേരിട്ടിരിക്കുന്ന ചിത്രം അപൂർവ്വ പ്രതിഭാസമാണെന്നും നാസ വിലയിരുത്തുന്നു. വിവിധ ക്ഷീരപഥങ്ങൾ ചേർന്ന് ഒരു കേന്ദ്രീകൃത സ്വഭാവമുള്ളതായും ഒരു അച്ചുതണ്ടിനെ കേന്ദ്രീകരിക്കുന്നപോലെ ഒരു നട്ടെല്ലുള്ള ഒരു തണ്ടുപോലെ ചിത്രം അനുഭവപ്പെടുന്ന അമ്പരപ്പും ആഗോള ഗവേഷകർ പങ്കുവെയ്ക്കുകയാണ്.
