ലണ്ടൻ: ഇംഗ്ലണ്ടിനെതിരെ ടെസ്റ്റ് മത്സരത്തിനിറങ്ങുന്ന ടീം ഇന്ത്യയുടെ മുഴുവൻ താരങ്ങളുടേയും കൊറോണ പരിശോധന ഫലം നെഗറ്റീവ്. ഇന്നലെ ഇന്ത്യയി ലെത്തിയ ഇംഗ്ലണ്ട് ടീമിന്റെ മുഴുവൻ താരങ്ങളും കൊറോണ നെഗറ്റീവായ ആശ്വാസത്തിന് പുറമേയാണ് ഇന്ത്യക്കും ആശ്വാസമായ വാർത്ത പുറത്തുവന്നത്.
ഇംഗ്ലണ്ടുമായി ഫെബ്രുവരി അഞ്ചു മുതലാണ് ടെസ്റ്റ് മത്സരങ്ങൾ ആരംഭിക്കുന്നത്. പരിശീലനം രണ്ടാം തീയതി രാവിലെ ആരംഭിക്കും. മൂന്ന് ദിവസമാണ് പരിശീലനത്തിനായി ലഭിക്കുക. ചെന്നൈ ചിദംബരം സ്റ്റേഡിയത്തിലാണ് ആദ്യ രണ്ട് ടെസ്റ്റുകളും നടക്കുന്നത്. ടീം അംഗങ്ങളെല്ലാം ലീല ഹോട്ടലിലെ സുരക്ഷാ ബബിൾ സംവിധാനത്തിലാണ് കഴിയുന്നത്.
കൊറോണ വ്യാപനം ശക്തമായി തുടരുന്ന സാഹചര്യത്തിൽ കാണികളെ പ്രവേശിപ്പിക്കേണ്ടതില്ലെന്ന നിലാപാടാണ് ബി.സി.സി.ഐ എടുത്തിരിക്കുന്നത്. മൂന്നും നാലും ടെസ്റ്റുകൾ അഹമ്മദാബാദിലാണ്. ഇവിടെ പകുതി കാണികളെ പ്രവേശിപ്പിക്കുമെന്നാണറിവ്.
